ەسكە سالا كەتەيىك, بيىل اقپان ايىنىڭ باسىندا «قازاگرو» ۇلتتىق حولدينگى كوكتەمگى ەگىس جۇمىستارىن قارجىلاندىرۋدى باستادى. باعدارلامانىڭ وپەراتورى رەتىندە «اگرارلىق نەسيە كورپوراتسياسى» اق (كورپوراتسيا) بەكىتىلدى.
قازىرگى تاڭدا قازاقستاننىڭ بارلىق ايماقتارىنان تىكەلەي كورپوراتسياعا, كرەديتتىك سەرىكتەستىكتەر, ميكروقارجى ۇيىمدارى مەن ەكىنشى دەڭگەيلى بانكتەرگە جالپى سوماسى 73 ملرد تەڭگەنى قۇرايتىن 1324 ءوتىنىش كەلىپ ءتۇستى. سونىڭ ىشىندە:
ەڭ بەلسەندى شارۋالار - وڭتۇستىك قازاقستان وبلىسىندا. بۇل ايماقتان 2,4 ملرد تەڭگەنىڭ 805 ءوتىنىشى كەلىپ ءتۇستى.
فەرمەرلەردىڭ وتىنىشتەرىنەن قۇرالعان ەگىستىك كولەمى بويىنشا جوسپار شامامەن 3 ميلليون گەكتاردى قۇراپ وتىر. ونىڭ 1,1 ميلليون گەكتارى باسىمدىققا يە داقىلداردىڭ ەگىستىك جەرلەرى. قر اۋىل شارۋاشىلىعى مينيسترلىگىنىڭ جوسپارى بويىنشا باسىمدىققا يە داقىلداردىڭ ەگىستىك كولەمى كەم دەگەندە 597,4 مىڭ گەكتاردى قۇراۋى ءتيىس. ياعني, قازىرگى وتىنىشتەردىڭ بارلىعى ماقۇلداناتىن بولسا, جوسپار ەكى ەسە ارتىعىمەن ورىندالۋى مۇمكىن.
شارۋالاردان تۇسكەن وتىنىشتەرگە ساي, مايلى داقىلداردىڭ ەگىستىك كولەمى بويىنشا جوسپار قازىرگى تاڭدا شامامەن 670 مىڭ گەكتار, ال ارپا – 372,5 مىڭ گەكتاردى قۇرايدى. باسىمدىققا يە وزگە داقىلدار (بيداي, كوكونىستەر, باقشا, بۇرشاق, ءبىر جىلدىق, كوپ جىلدىق شوپتەر, قاراقۇمىق, تارى جانە ت.ب.) بويىنشا كەلىپ تۇسكەن وتىنىشتەرگە ساي ەگىستىك كولەمىنىڭ جوسپارى 1,87 ميلليون گەكتاردى قۇراپ وتىر.
بۇدان بۇرىن حابارلانعانداي, 2017 جىلى كوكتەمگى ەگىس جۇمىستارىن قارجىلاندىرۋدا باسىمدىققا يە بولاتىن بىرقاتار اۋىل شارۋاشىلىعى داقىلدارى بەلگىلەندى. قر اۋىل شارۋاشىلىعى مينيسترلىگى ەگىستىك القاپتارىن ءارتاراپتاندىرۋ ماقساتىندا, بيىلعى نەسيەلەۋدە ءبىرىنشى كەزەكتە مىنا داقىلدارعا باسىمدىق بەرىپ وتىر: مايلى داقىلدار (كۇنباعىس, راپس, زىعىر, سويا), ارپا, قانت قىزىلشاسى, كۇرىش, استىققا ارنالعان جۇگەرى, ماقتا, س ۇلى مەن كارتوپ.
باسىمدىققا يە داقىلدارعا بولىنەتىن 38 ميلليارد تەڭگەنىڭ سوماسى 2017 جىلدىڭ 1 ساۋىرىنە دەيىن ساقتالادى. بۇدان سوڭ قالعان اقشا شارۋالاردان تۇسكەن وتىنىشتەر بويىنشا ۇلەستىرىلەدى. ەگەر بۇل قاراستىرىلعان قاراجات تولىقتاي يگەرىلمەسە, قالعان اقشا بارلىق داقىلدارعا, سونىڭ ىشىندە باسىمدىققا يە داقىلدارعا دا بەرىلەتىن بولادى.
2017 جىلى وتاندىق اگراريلەردى قولداۋ ماقساتىندا رەسپۋبليكالىق بيۋدجەتتەن 60 ميلليارد تەڭگە بولىنگەن بولاتىن. بيۋدجەت اقشاسىنان بولەك كوكتەمگى ەگىس جۇمىستارى وزگە قارجى كوزدەرىنەن, سونىڭ ىشىندە كورپوراتسيانىڭ مەنشىكتى قاراجاتىنان قارجىلاندىرىلادى. كورپوراتسيا 2009 جىلدان بەرى «كەڭ دالا» باعدارلاماسى بويىنشا شارۋالارعا 173,5 ميلليارد تەڭگەنىڭ نەسيەسىن بەرىپ ۇلگەردى.
«اگرارلىق نەسيە كورپوراتسياسى» اق باسەكەگە قابىلەتتى اۋىل كاسىپكەرلىگىن دامىتۋدى ىنتالاندىراتىن قولجەتىمدى نەسيەلەندىرۋ جۇيەسىن قالىپتاستىرۋ بويىنشا مەملەكەتتىك ساياساتتى جۇزەگە اسىرىپ كەلەدى.
كورپوراتسيا «قازاگرو» ۇلتتىق باسقارۋشى حولدينگى كومپانيالار توبىنىڭ قۇرامىنا كىرىپ, سونىڭ تىكەلەي جەتەكشىلىك ەتۋىمەن قازاقستاننىڭ بارلىق وبلىستارىندا ورنالاسقان 13 فيليال مەن وكىلدىكتەرىندە ءوز قىزمەتىن جۇزەگە اسىرۋدا اۋقىمدى جۇمىستاردى اتقارىپ وتىر.