ونەرتانۋشىلار, ۇلتتىق ونەردى ۇلىقتايتىن جاندار زەرگەردىڭ ەڭبەگىن جوعارى باعالايدى. شىعىستانۋ ينستيتۋتىنىڭ باس عىلىمي قىزمەتكەرى, تاريح عىلىمدارىنىڭ دوكتورى ش.توقتاباەۆا بولسا, امان زەرگەردىڭ الەمى عاجايىپ الەم دەپ تانيدى.
نەۆزوروۆتار وتباسى اتىنداعى بەينەلەۋ ونەرى مۇراجايىنداعى كورمەگە زەرگەر 240 شاقتى كۇمىس, التىن, باعالى قىمبات تاستارمەن كومكەرىلگەن بۇيىمدارىن اكەلىپتى. امان مۇقاجان وسى بۇيىمداردى جاساۋمەن 35 جىل بويى اينالىسىپ كەلەدى. جاساعان بۇيىمدارىنىڭ قاتارىندا سىرعا, ساقينا, بىلەزىك, تانامونشاق, القا سىندى اشەكەيلەر وتە كوپ. كورمەگە اشەكەي بۇيىمدارمەن قاتار, سۋرەتشىنىڭ قارىم-قابىلەتىنەن حابار بەرەتىن كارتينالار جانە گرافيكا, ينستولياتسيا سياقتى ساندىك-قولدانبالى ونەر تۋىندىلارى دا قويىلدى.
امان مۇقاجان 1987 جىلى الماتى مەملەكەتتىك تەاتر جانە كوركەمسۋرەت ينستيتۋتىنىڭ ءساندىك-قولدانبالى ونەر فاكۋلتەتىن اياقتاعان. قازاقستان سۋرەتشىلەر وداعىنىڭ, ديزاينەرلەر وداعىنىڭ مۇشەسى. كوپتەگەن حالىقارالىق, رەسپۋبليكالىق كورمەلەردىڭ قاتىسۋشىسى. حالىقارالىق زەرگەرلىك ونەر كورمەلەردىڭ قۇرمەت گراموتالارى مەن باعالى سىيلىقتارىن يەلەنگەن.
راۋشان نۇعمانبەكوۆا
سەمەي
سۋرەتتەردى تۇسىرگەن اۆتور