جارتىلاي فينالدىڭ جولداماسى ءۇشىن بولعان سىندا جحل تۇراقتى چەمپيوناتىنىڭ جەڭىمپازى «تورپەدو» سانكت-پەتەربۋرگتىڭ «دينامو» كومانداسىن جەتى ماتچتان تۇراتىن سەريادا 4:3 ەسەبىمەن ۇتقان بولاتىن.
ەندى وسكەمەندىكتەر جارتىلاي فينالدىڭ العاشقى ەكى كەزدەسۋىن 28-29 ناۋرىز كۇندەرى ءوز ايدىنىندا وتكىزەدى. كەلەسى ەكى ماتچ 1 جانە 2 ءساۋىر كۇندەرى تۇمەندە وينالادى. ەگەر بۇل كەزدەسۋلەر جەڭىمپازدى انىقتامايتىن بولسا, وندا 5, 7 جانە 9 ءساۋىر كۇندەرى ويىندار سەرياسى جالعاسىن تاباتىن بولادى.
ەكىنشى جارتىلاي فينالدا دينامو (بالاشيحا) مەن «زاۋرالە» (قورعان) كوماندالارى كۇش سىناسادى.
ەسكە سالار بولساق, «تورپەدوعا» كەز بولعان قارسىلاس – «رۋبين» كلۋبى 2011 جىلى براتينا كۋبوگىن ۇتىپ العان ازۋلى دا تاجىريبەلى ۇجىم. بۇدان بولەك, تۇمەندىكتەر 2013-14 ماۋسىمدا دا ءتۋرنيردىڭ فينالىنا شىققان. بىراق ول جولى «رۋبين» قاراعاندىنىڭ «سارىارقاسىنان» ۇتىلعان بولاتىن.
قايرات ءابىلدينوۆ, «ەگەمەن قازاقستان»