— جازدا اتامنىڭ اۋىلىنا باردىم. سول كەزدە ونىڭ كوزى قاراۋىتىپ, كورمەي باستاعانىن بايقاپ, كوڭىلىم كۇپتى بوپ ءجۇردى. ءبىر قىزىعى, اتام اركەز باسىنان تاقياسىن تاستامايدى. دەمالىستان ورالعان سوڭ, روبوتوتەحنيكا ۇيىرمەسىنەن ساباق بەرەتىن باقىتجان (باقىتجان مۇحاممەد,- رەد) اعايعا ويىمدى ايتتىم, ءسويتىپ جوبانى قولعا الدىق. وسى جازدا اتاما بارىپ, تاقيانى كيگىزسەم دەگەن ارمانىم بار. ءارى باس كيىم, ءارى باعىت-باعدار بەرۋشى, – دەيدى اقتاۋداعى نازارباەۆ زياتكەرلىك مەكتەپ وقۋشىسى ساتتىعالي جولداسباي.
زاعيپ جاندار SMART-تاقيانى كيگەن كەزدە, الدىندا تۇرعان كەدەرگىنى بىردەن بىلە الادى. ياعني, 4 مەترگە دەيىن قاشىقتىقتا قابىرعا نە جار تۇرسا, ياكي ادام كەلە جاتسا, تاقيا الدىنا ورناتىلعان ەكى تەتىك (داتچيك) كەدەرگىنى بايقاپ, بىردەن قۇلاقتاعى اپپاراتقا ۆيبراتسيالىق دىبىس جونەلتەدى. ء سويتىپ ونى كيگەن ادام كەدەرگىدەن بۇرىلىپ ءوتىپ, توقتايدى نەمەسە باعىتىن وزگەرتەدى. كەلەشەكتە قازاقتىڭ قارادومالاق بالاسى ويلاپ تاپقان ۇلتتىق ناقىشتاعى تاقيا كوپ زاعيپ جاننىڭ قولىنداعى تاياعىن الماستىرۋى مۇمكىن. اپپاراتتى كەز كەلگەن تاقياعا ورناتۋعا
بولادى.
— كورمەدە استانا جۇرتشىلىعى جاڭالىقتى جىلى قابىلدادى. العاشىندا وزىمە سەنىمسىز بولدىم. قالا تۇرعىندارى كەلىپ, تاقيانى كيىپ كورىپ, قىزىقتى. زاعيپ جاندار تاقيانى كيىپ كورىپ, قۋانىپ جاتقاندا, وزگەشە ءبىر سەزىمدە بولادى ەكەنسىڭ. قۋاناسىڭ, ءارى وسى يدەيا ءارى قاراي جالعاسىن تاۋىپ, بار اعا-اپالارىمىز تاقيا كيسە ەكەن دەپ ارماندايسىڭ, – دەيدى جاس ونەرتاپقىش.
شىنىندا, كەز كەلگەن عىلىمي جوبا ادام يگىلىگى ءۇشىن جاسالۋى ءتيىس. ارينە, قۇرمەتكە مۇقتاج, زاعيپ جاندارعا كومەكتەسۋ, ولاردىڭ ءومىر سۇرۋىنە قولايلى اپپارات ويلاپ تابۋ – ۇلكەن جاۋاپتى, ءارى ساۋاپتى ءىس. ەندى ساتتىعالي مەن جوبا جەتەكشىسىنە SMART-تاقيانى قاراپايىم جاندارعا كيگىزە وتىرىپ, تاجىريبەلەر جۇرگىزىپ, كەم-كەتىگىن دۇرىستاۋ عانا قالدى. الداعى ۋاقىتتا وقۋشىنىڭ تاقياسى قاراپايىم ومىردە, قولدانىسقا ەنىپ جاتسا, وندا ماقساتتىڭ ورىندالعانى.
ايگۇل دادەن