بريفينگ بارىسىندا كوميسسيا توراعاسى ماحمەتعالي نۇرعالي ۇلى وبلىستىڭ جامبىل, جۋالى, تالاس اۋداندارى مەن تاراز قالاسىنىڭ ءماسليحاتتارىنىڭ قۇرامىنان 1 دەپۋتاتتان بوساپ قالعانىن, ياعني, وبلىس بويىنشا 4 ۆاكانسيا بار ەكەنىن ايتىپ ءوتتى. سونداي-اق بوس ۆاكانسيالار تۋرالى مالىمەتتى نەگىزگى دەپۋتاتتاردىڭ
مەملەكەتتىك قىزمەتكە اۋىسۋىنا بايلانىستى بولىپ وتىرعانىمەن ءتۇسىندىردى.
اعىمداعى جىلعى 1 جانە 24 اقپان ارالىعىندا بوس تۇرعان وكرۋگتارعا ءماسليحات دەپۋتاتتىعىنا كانديداتتاردى
ۇسىنۋ شارالارى وتكەن بولاتىن. ۇسىنىلعان كانديداتتاردى تىركەۋ جۇمىستارى 28 اقپان كۇنى اياقتالدى. بۇگىنگى كۇنگە وبلىس بويىنشا 14 كانديدات ۇسىنىلعان بولسا, ولاردىڭ ەكەۋى ءوز وتىنىشتەرى نەگىزىندە كانديداتتىقتان باس تارتقان. وسىعان بايلانىستى ۇسىنىلعان 12 كانديداتتىڭ بارلىعى تىركەۋدەن ءوتتى. بارلىق كانديداتتارعا ءتيىستى ءماسليحات دەپۋتاتتىعىنا كانديدات دەگەن كۋالىكتەر تاپسىرىلعان جانە بۇقارالىق اقپارات قۇرالدارىندا جاريالانعان.
ال ناۋرىز ايىنىڭ العاشقى كۇنىنەن باستاپ سايلاۋ الدىنداعى ۇگىت شارالارى باستالدى. ەندى بۇل ناۋقان 24 ناۋرىز كۇنى ساعات 24.00-دە اياقتالاتىن بولادى.
– سونىمەن قاتار, اعىمداعى جىلدىڭ 24 اقپان جانە 16 ناۋرىز كۇنى ورتالىق سايلاۋ كوميسسياسى تاراپىنان ۇيىمداستىرىلعان ەلەكتوراتتىق وقىتۋ جونىندەگى ۆەبينارلار وتكىزىلدى. وندا بارلىق دەڭگەيدەگى ءماسليحات حاتشىلارى مەن ءتيىستى وبلىستىق باسقارما باسشىلارى قامتىلدى, – دەدى بريفينگتە ماحمەتعالي سارىبەكوۆ.
ەندى ەكى كۇننەن سوڭ, ياعني 26 ناۋرىز كۇنى جامبىل وبلىسىندا ءماسليحات سايلاۋى وتەدى.
حاميت ەسامان,«ەگەمەن قازاقستان»
جامبىل وبلىسى