ورتا سالماقتاعى قازاقستاندىق بوكسشى ايدوس ەربوسىن ۇلى كاسىپقوي رينگتەگى بەسىنشى كەزدەسۋىن وتكىزدى. بۇل جولى دا جەرلەسىمىز مەرزىمىنەن بۇرىن جەڭىسكە جەتتى, دەپ حابارلادى vesti.kz.
جەكپە-جەك اقش-تىڭ نيۋ-دجەرسي شتاتىندا ءوتتى. ونىڭ قارسىلاسى – 24 جاستاعى امەريكالىق ريارۋس دادلي. ايقاستىڭ ەكىنشى راۋندىندا ايدوس تەحنيكالىق نوكاۋتپەن جەڭدى. امەريكالىق بىلتىر تاعى ءبىر قازاقستاندىق بوكسشى شىڭعىسحان ءتاجىبايدان (4-0, 2 كو) جەڭىلگەن بولاتىن.
ايدوس ەربوسىن ۇلى اقش-تا العاش رەت شارشى الاڭعا شىعىپ تۇر. وسىعان دەيىن ونىڭ ايقاسى نيۋ-يوركتە 2 ناۋرىز كۇنى وتەتىنى حابارلانعان.
ول كاسىپقوي بوكستاعى باستاپقى ەكى كەزدەسۋىن 2015 جىلى ۋكراينادا وتكىزسە, كەلەسى ەكەۋىندە قازاقستانداعى بوكس كەشىندە شىققان.
ايتا كەتەيىك, اۋەسقوي بوكستا ول قازاقستان چەمپيوناتىنىڭ جۇلدەگەرى اتانسا, «Astana Arlans» ساپىندا دۇنيەجۇزىلىك بوكس سەرياسىندا جەڭىسكە جەتتى.