شارا ەلباسى جولداۋىن قولداي وتىرىپ, قۇجاتتا نىساناعا الىنعان نەگىزگى باسىمدىقتاردى, ولاردىڭ ماڭىزى مەن ءمانىن جاس سپورتشىلارعا ءتۇسىندىرۋگە باعىتتالدى. ەكونوميكانىڭ جەدەلدەتىلگەن تەحنولوگيالىق جاڭعىرتىلۋى, بيزنەس-ورتانى ءتۇبەگەيلى جاقسارتۋ جانە كەڭەيتۋ, ماكرو-ەكونوميكالىق تۇراقتىلىق, ادامي كاپيتال ساپاسىن جاقسارتۋ, ينستيتۋتتىق وزگەرىستەرگە, قاۋىپسىزدىككە جانە سىبايلاس جەمقورلىقپەن كۇرەس سياقتى ءار باسىمدىق بويىنشا جەكە-جەكە باياندامالار جاسالدى.
اتالعان وقۋ ورداسىنىڭ باسشىسى امالبەك تشانوۆ جاس سپورتشىلاردىڭ بولاشاعى ەلىمىزدىڭ الەۋمەتتىك-ەكونوميكالىق دامۋىمەن تىعىز بايلانىستى ەكەنىن تىلگە تيەك ەتتى. «بارشامىزعا بەلگىلى, ەلباسى نۇرسۇلتان ءابىش ۇلى نازارباەۆ ءوز حالقىمەن تىكەلەي سۇحباتتاستى, ءوزىنىڭ ويىن, كوزقاراسىن ايتىپ, العا قويعان ماقساتتارىمەن ءبولىستى. «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى ەلباسىنىڭ بيىلعى جولداۋى – ءوزىنىڭ تاريحيلىعىمەن ەرەكشەلەنەتىن قۇجات. ەلباسىمىزدىڭ قاي جولداۋىن الىپ قاراساق تا استارىندا ۇلت بولىپ ۇيىسۋ, حالىق بولىپ بىرىگە وتىرىپ قيىندىقتاردى ەڭسەرۋ يدەياسى جاتقانىن بايقاۋعا بولادى. ەلباسىنىڭ ساليقالى ساياساتى ەلىمىزدىڭ الەمنىڭ 30 دامىعان ەلىنىڭ قاتارىنا قوسىلۋىنا تولىق مۇمكىندىك بەرەتىنىنە سەنىمدىمىز. دامۋىمىز جەدەل, كەلەشەگىمىز كەمەل بولۋى ءۇشىن ەلباسى جولداۋىنان تۋىندايتىن ءمىندەتتەردى ورىنداۋدا ەلىمىزدىڭ ءار ازاماتى تاباندىلىق تانىتۋى قاجەت», دەدى ول ءوزىنىڭ سوزىندە.
اتالعان «رەسپۋبليكالىق سپورت كوللەدجى» – ەلىمىزدىڭ اتىن الەمگە ايگىلەپ جۇرگەن تالاي سپورتشىنى قاناتتاندىرعان كيەلى شاڭىراق. ال شاراعا قاتىسقان بارلىق سپورتشى ورەن وزدەرىنە ءتان ءۇردىسپەن ءبىراۋىزدان «العا, قازاقستان!» دەپ ۇرانداتتى.
ارمان وكتيابر, «ەگەمەن قازاقستان»