مەملەكەت باسشىسى ۇلىبريتانيا جانە سولتۇستىك يرلانديا بىرىككەن كورولدىگىنىڭ پرەمەر-ءمينيسترى تەرەزا مەيگە لوندون قالاسىندا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
جەدەلحاتتا ۇلىبريتانيا پارلامەنتى ماڭىنداعى تەررورلىق اكت سالدارىنان بەيبىت تۇرعىنداردىڭ قازا بولعانى تۋرالى حاباردى قازاقستان پرەزيدەنتى زور كۇيزەلىسپەن قابىلداعانى ايتىلعان.
«بۇل قاستاندىق ارەكەتتى بۇكىل وركەنيەتتى الەمگە قارسى باعىتتالعان تەررورلىق اكت دەپ سانايمىز. بىرىككەن كورولدىكتىڭ حالقى مەن ۇكىمەتىنە, سونداي-اق, زارداپ شەككەندەردىڭ تۋىستارى مەن جاقىندارىنا قايعىلارىنا ورتاقتاسىپ, كوڭىل ايتامىن», – دەلىنگەن جەدەلحاتتا.
سونىمەن قاتار, جەدەلحاتتا قازاقستان تەرروريزمنىڭ كەز كەلگەن ءتۇرىن قاتاڭ ايىپتايتىنى, حالىقارالىق قوعامداستىقتى ز ۇلىمدىقپەن كۇرەسۋ ءۇشىن كۇش جۇمىلدىرۋعا شاقىراتىنى جونىندە اتاپ وتىلگەن.