كونفەرەنتسيا شىمىلدىعىن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ ءتۇردى. جيىن بارىسىندا مادەنيەت جانە سپورت ءمينيسترى ارىستانبەك مۇحامەدي ۇلى ەلباسى نۇرسۇلتان نازارباەۆتىڭ تۇركسوي ۇيىمىنىڭ توراعاسى د. قاسەيىنوۆكە 70 جىل تولۋىنا وراي جولداعان قۇتتىقتاۋ حاتى مەن توسبەلگىسىن تاپسىردى.
اكادەميك, قوعام قايراتكەرى مىرزاتاي جولداسبەكوۆ وسى وقۋ ورنىنىڭ اشىلۋىنا ەلباسى نۇرسۇلتان نازارباەۆ پەن تۇركيانىڭ سول كەزدەگى پرەزيدەنتى تۇرعىت ءوزالدىڭ تاتۋ قارىم-كاتىناسى, قولداۋى ارقاسىندا العاشقى قۇجاتتارعا ءوزى قول قويعانىن ەسكە الىپ, 1992 جىلعى تاريحقا توقتالىپ ءوتتى. سونىمەن قاتار ماعجان جۇماباەۆتىڭ "تۇركىستان " اتتى ولەڭىن وقىپ بەرىپ, كەزىندە ازىپ-توزعان كيەلى شاھاردىڭ بۇگىندە باسىنا باق قونعانىن ايتتى.
عالىمجان ەلشىباي, "ەگەمەن قازاقستان"