ۆەدومستۆو باسشىسىنىڭ ايتۋىنشا, وتكەن جىلى پرەزيدەنت ۇلتتىق قور قارجىسىن قۇرۋ مەن پايدالانۋدىڭ جاڭا تۇجىرىمداماسى بەكىتىلدى. سوعان ساي, 2020 جىلدان باستاپ رەسپۋبليكالىق بيۋدجەتتەگى كەپىلدەندىرىلگەن ترانسفەرت كولەمى 2 ملرد 880 ملن تەڭگەدەن 2 ملرد تەڭگەگە دەيىن قىسقارتىلادى. سول سەبەپتى 2018-2020 جىلدارعا ارنالعان رەسپۋبليكالىق بيۋدجەت جوباسى وسى وزگەرىستەردى ەسەپكە الا وتىرىپ جاسالادى. سونىمەن قاتار, كۆازيمەملەكەتتىك سەكتوردىڭ وبليگاتسيالىق قارىزدارىنا ۇلتتىق قور قارجىسى بولىنبەيتىن بولادى. جانە دە ۇلتتىق قور جەكەشەلەندىرۋدىڭ ارقاسىندا تۇسكەن قاراجاتپەن تولىقتىرىلادى.
«2017 جىلدىڭ 1 قاڭتارىنداعى جاعداي بويىنشا كەپىلدەندىرىلگەن قارىزدى قوسا ەسەپتەگەندە ۇكىمەتتىڭ موينىنداعى قارىز 49,4 ملرد دوللاردى قۇرايدى. وسىعان وراي, ءماجىلىس بيۋدجەت كودەكسىنە كۆازيمەملەكەتتىك سەكتوردىڭ سىرتقى قارىزىنا مونيتورينگ جۇرگىزۋ جانە باقىلاۋ ورناتۋ ەنگىزىلدى», — دەيدى مينيستر.
ءمينيستردىڭ ايتۋىنشا, قور اكتيۆتەرىن ساقتاۋ مەن تابىسىن ارتتىرۋ ماقساتىندا ۇلتتىق بانك ۇلتتىق قور جيناقتاۋ پورتفەلىنىڭ اكتيۆتەرىن ءارتاراپتاندىرۋ ساياساتىن جالعاستىراتىن بولادى.
وسىلايشا, مۇناي باعاسىن 50 دوللارمەن ەسەپتەگەندە, ۇلتتىق قوردىڭ اكتيۆى 2020 جىلعا قاراي 80 ملرد دوللارعا كوبەيمەك.