پوليتسەيلەرگە 130 اۆتوكولىك كىلتى تاپسىرىلدى
حالىقتىڭ تىنىشتىعى اتالعان سالا قىزمەتكەرلەرى – پوليتسەيلەردىڭ قىراعىلىعى مەن كاسىبي بىلىكتىلىگىنە تىكەلەي بايلانىستى. ارينە, وسى قاعيدالارمەن قاتار, ولارعا جاسالعان قامقورلىقتىڭ دا بەرەرى مول. اتاپ ايتار بولساق, بۇل جاعىنان وبلىستىق ىشكى ىستەر دەپارتامەنتىنىڭ ۇجىمى كەندە ەمەس. وتكەن جىلدان بەرى پوليتسەيلەرگە 500-دەن استام جاڭا اۆتوكولىكتەردىڭ كىلتى بەرىلىپ, تۇرمىستىق جاعدايلارى شەشىمىن تاۋىپ كەلەدى. ءتىپتى, ەلدى مەكەندەردەگى تەلىمدىك پوليتسەيلەر باسپانامەن دە تولىق قامتىلۋعا جاقىن. سونداي-اق, قىزمەت كەزىندە اسا قاجەتتى راتسيا, تاعى باسقا تەحنيكالىق قۇرال-جابدىقتارمەن قامتاماسىز ەتىلدى. كۇرەجول بويلارىنا بەينەتاسپا ورناتىلعانى دا جولاۋشىلارعا دەگەن قامقورلىق دەۋگە بولادى.
جاقسى ءىس قاتارى تولىعىپ, وبلىس باسشىلىعى پوليتسەيلەرگە 130 «نيۆا», «نەكسيا», «ۋاز» اۆتوكولىكتەرىنىڭ كىلتىن سالتاناتتى جاعدايدا تاپسىردى.
كۇمىسجان بايجان.
الماتى وبلىسى.