كەشە كەشكىلىك ەل وڭىرلەرىندە جۇمىس بابىمەن بولىپ قايتقاننان كەيىن پرەمەر-مينيستر كارىم ءماسىموۆ تابيعي جانە تەحنوگەندىك سيپاتتاعى توتەنشە جاعدايلاردى جويۋ ءۇشىن 2011 جىلعا رەسپۋبليكالىق بيۋدجەتتە قارالعان ۇكىمەت رەزەرۆىنەن باتىس قازاقستان وبلىسىنا قارجى ءبولۋ تۋرالى قاۋلىعا قول قويدى, دەپ حابارلادى پرەمەر-ءمينيستردىڭ ءباسپاسوز قىزمەتى.
قاۋلىعا سايكەس 870 000 000 ميلليون (سەگىز ءجۇز جەتپىس ميلليون) تەڭگە توتەنشە جاعدايلار مينيسترلىگىنە باتىس قازاقستان وبلىسى اكىمدىگىمەن بىرلەسىپ, 2011 جىلدىڭ كوكتەمگى سۋ تاسقىنىنىڭ توتەنشە جاعدايلارىن جويۋعا بايلانىستى حالىقتىڭ ءومىر ءسۇرۋىن قامتاماسىز ەتەتىن نىسانداردا جوندەۋ-قالپىنا كەلتىرۋ جۇمىستارىن جۇرگىزۋ ءۇشىن ءبولىندى.
بولىنگەن قارجىنىڭ ماقساتتى پايدالانىلۋىنا باقىلاۋ جاساۋ قارجى مينيسترلىگىنە جۇكتەلدى.
باتىس قازاقستان وبلىسىنىڭ اكىمىنە 2011 جىلدىڭ 10 قاراشاسىنا دەيىنگى مەرزىمدە بولىنگەن قارجىنىڭ ماقساتتى پايدالانىلۋى جونىندە ەسەپ ۇسىنۋ مىندەتتەلدى. قاۋلى قول قويىلعان كۇنىنەن باستاپ كۇشىنە ەنەدى