چەمپيوندار ليگاسى 1/8 فينالىنىڭ ەكىنشى كەزدەسۋىندە دورتمۋندتىڭ «بورۋسسياسى» «بەنفيكا» كومانداسىن قابىلداپ, 4:0 ەسەبىمەن ويسىراتا جەڭدى.
ويىن باستالا سالا الاڭ يەلەرى بىردەن شابۋىلعا شىعىپ, ناتيجەسىندە 4-مينۋتتا ەسەپ اشىپ ۇلگەردى. پەر-ەمەريك وبامەيانگ بۇرىشتامادان كوتەرىلگەن دوپتان كەيىن, ءدال سوققى باعىتتاپ, «بورۋسسيانى» العا شىعاردى.
كەزدەسۋدىڭ ەكىنشى تايمى نەمىس كومانداسى ءۇشىن ءساتتى ءوتتى. 59-مينۋتتا كريستيان پۋليشيچ ەكىنشى گولدى سالىپ, كومانداسىن قوس كەزدەسۋدىڭ قورىتىندىسى بويىنشا العا شىعارسا, ارادا ەكى مينۋت وتەر-وتپەس, وبامەيانگ دۋبل يەسى اتاندى. ال نەگىزگى ۋاقىتتىڭ اياقتالۋىنا بەس مينۋت قالعاندا ءدال وسى گابونالىق ويىنشى ءوزىنىڭ ءۇشىنشى دوبىن سوقتى.
ايتا كەتەيىك, العاشقى ويىندا دورتمۋندىقتار 0:1 ەسەبىمەن ۇتىلعان بولاتىن. قوس ماتچتىڭ قورىتىندىسى بويىنشا 4:1 ەسەبىمەن باسىم ءتۇسىپ, شيرەك فينالعا جولداما الدى.