وبلىس ورتالىعىنداعى كسرو ۇشقىش-عارىشكەرى, كەڭەس وداعىنىڭ باتىرى ۆيكتور پاتساەۆتىڭ ەسكەرتكىشى الدىندا 12 ءساۋىر – كوسموناۆتيكا كۇنىنە ارنالعان «ادامزاتتىڭ عارىشقا العاشقى قادامى» اتتى ميتينگ بولدى. بۇل وبلىستىق پلانەتاري ۇيىمداستىرعان «جۇلدىزدى 50 جىل» اپتالىعىنىڭ سالتاناتتى جابىلۋىمەن تۇسپا-تۇس كەلدى. اكتسياعا قاتىسۋشىلار عارىشكەر جەرلەستەرىنىڭ ەسكەرتكىشىنە گۇل شوقتارىن قويدى. وسىنداعى ۆ.پاتساەۆ اتىنداعى جاس ۇشقىشتار جانە ورتا مەكتەپتەردىڭ بالالارى, قالالىقتار تۇڭعىش عارىشكەر يۋري گاگاريننىڭ عارىشقا ۇشار الدىنداعى ءسوزىن تىڭداپ, داۋىسىن ەستىدى.
سالتاناتتى شاراعا جينالعاندار الدىندا ۆيكتور پاتساەۆتىڭ قارىنداسى, جۋرناليست گالينا پاتساەۆا اعاسى تۋرالى, ال, وتستاۆكاداعى پولكوۆنيك كەۋلىمجاي جۋاسوۆ ءوزى قۇرىلىسىن سالۋعا اتسالىسقان بايقوڭىر عارىش ايلاعى جايىندا ەستەلىكتەر ايتتى. قالالىق تەحنيكالىق شىعارماشىلىق ءۇيىنىڭ جاس تەحنيكتەرى وزدەرى قۇراستىرعان زىمىراندار مودەلدەرىن, ال اكتسياعا قاتىسۋشىلار 500 اۋە شارلارىن ۇشىردى.
ساتىبالدى ءساۋىرباي.
اقتوبە وبلىسى.