قازاقستان فۋتبول فەدەراتسياسى جەتەكشىلىگىنىڭ باستاماسىمەن قر فۋتبولدى دامىتۋ ستراتەگياسىن جۇزەگە اسىرۋ سۇراقتارىمەن اينالىساتىن جانە ەلىمىزدىڭ قۇراما كوماندالارىنا ۇيىمداسقان ادىستەمەلىك كومەك كورسەتەتىن تەحنيكالىق كەڭەس قۇرىلدى, دەپ حابارلايدى قفف ءباسپاسوز قىزمەتى.
ونىڭ قۇرامىنا قفف پرەزيدەنتى سەيىلدا بايشاقوۆ, قكفل پرەزيدەنتى ازامات ايتقوجين, قفف باس مەنەدجەرى يگور ۋتروبين, قۇراما كوماندالار دەپارتامەنتىنىڭ ديرەكتورى عاني قاينازاروۆ, تەحنيكالىق ديرەكتور تالعات بايسۋفينوۆ, قازاقستان ۇلتتىق قۇراماسىنىڭ باس باپكەرى الەكساندر بوروديۋك, جاستار قۇراماسىنىڭ اعا جاتتىقتىرۋشىسى ۆلاديمير نيكيتەنكو, قكفل سپورت ديرەكتورى پاۆەل دەميان, قازاقستان ايەلدەر قۇراماسىنىڭ باس باپكەرى ايتپاي جامانتاەۆ, U19 قۇراماسىنىڭ اعا جاتتىقتىرۋشىسى الەكساندر كۋزنەتسوۆ, U17 قۇراماسىنىڭ اعا جاتتىقتىرۋشىسى كارلوس فەرەر, جاستار قۇراماسىنىڭ جاتتىقتىرۋشىسى يۋري كونكوۆ, جاستار قۇراماسى اعا باپكەرىنىڭ كومەكشىسى يگور سۆەچنيكوۆ, جاسوسپىرىمدەر قۇراماسىنىڭ سەلەكتسيونەرى يۋسۋپ شاديەۆ جانە جاستار قۇراماسىنداعى قاقپاشىلاردىڭ جاتتىقتىرۋشىسى نيكولاي روديونوۆ ەندى.
بيىل قازاقستان فۋتبول فەدەراتسياسى قۇراما ارالىق كوماندالاردى قۇردى. سونىڭ ارقاسىندا قۇرامالاردىڭ سانى 8-گە دەيىن ارتتى: ۇلتتىق قۇراما, U23 قۇراماسى, U21 قۇراماسى, U20 قۇراماسى, U19 قۇراماسى, U18 قۇراماسى, U17 قۇراماسى جانە U16 قۇراماسى. جاتتىقتىرۋشىلار كەڭەسىن قۇرۋ ءار ءتۇرلى جاستاعى قۇرامالار اراسىندا ءوزارا ارەكەت ەتۋگە جانە فۋتبولشىلاردى دايىنداۋدا فۋتبول ورتالىقتارى جانە كلۋبتار اراسىندا تۇراقتى بايلانىستى قالىپتاستىرۋعا مۇمكىندىك بەرەدى.