الماتىدا شىعىس قازاقستان وبلىسىندا اپاتقا ۇشىراعان ۇشاقتىڭ پيلوتى پەتر ۋستينوۆتى جەرلەۋ ءراسىمى ءوتتى, - دەپ حابارلايدى Tengrinews.kz. جەرلەۋ ءراسىمى ساعات 11.00-دە قازا تاپقان پيلوتتىڭ ءۇيىنىڭ الدىندا ءوتتى. پەتر ۋستينوۆتى سوڭعى ساپارعا شىعارىپ سالۋعا ونىڭ تۋىستارى, جاقىن دوستارى, تانىستارى, سونداي-اق, بىرگە قىزمەت ەتكەن ارىپتەستەرى كەلدى. جالپى 100-دەن اسا ادام كەلدى, ولاردىڭ قاتارىندا ۇقك شەكارا قىزمەتىنىڭ اسكەري وركەسترى بار.
"ول شەكارا قىزمەتىنە قاتارداعى سارباز بولىپ كەلىپ, اۆياتسيالىق بازامىزدىڭ ۇشۋ ءبولىمىنىڭ باسشىسىنا دەيىن كوتەرىلگەن ەدى. وكىنىشكە قاراي, جاستار دا كەتىپ جاتادى. ارينە, دۇنيەدەن ەرتە وزدى", - دەدى قر ۇقك شەكارا قىزمەتى ارداگەرلەر كەڭەسىنىڭ توراعاسى پولكوۆنيك بروۆيچ.
ەستەرىڭىزگە سالا كەتسەك, پيلوت پەتر ۋستينوۆ 25 اقپاندا شقو-دا تىكۇشاق اپاتىنان قازا تاپقان ەدى.