پارلامەنت پالاتالاردىڭ بىرلەسكەن وتىرىسىندا قازاقستان رەسپۋبليكاسىنىڭ باس پروكۋرورى جاقىپ اسانوۆ ءوزى باسقارىپ وتىرعان ۆەدومستۆو وكىلەتتىگىنىڭ ازايۋ-ازايماۋى پارلامەنت قۇزىرەتىندە ەكەنىن ايتتى.
«ەكى ءماتىندى سالىستىرساق, بۇگىنگى رەداكتسيا مەن ۇسىنىلىپ وتىرعان جوبانىڭ اراسىندا راسىندا ايىرماشىلىقتار بار. بىراق ءبىر ايتا كەتەتىن جايت, نەگىزگى ءبىزدىڭ باعىتتارىمىز بازالىق جۇمىسىمىزدىڭ نەگىزگى مازمۇنىن جوعارى قاداعالاۋ, زاڭدىلىقتى قامتاماسىز ەتۋ, سوتتاردىڭ مەملەكەتتىڭ مۇددەسىن ءبىلدىرۋى, قىلمىستىق قۋدالاۋ, سونىڭ بارلىعى جاڭا جوبادا ساقتالىپ تۇر. جالپى بۇگىنگى ماتىندە ءبىزدىڭ كوپ فۋنكتسيالارىمىز ەگجەي-تەگجەيلى جازىلعان. ءبىز زامان تالابىنا ساي كوپ وزگەرىستەردى دەر كەزىندە جاساي الماي وتىرمىز. سوندىقتان, ءبىزدىڭ ويىمىزشا, بۇل رەداكتسيا وتە دۇرىس. ءبىزدىڭ جالپى وكىلەتتىگىمىز ازايا ما, ازايماي ما, قىسقارا ما قىسقارماي ما ول ارينە پارلامەنت بيلىگىندە. وسى سۇراقپەن ءبىز سىزدەردىڭ الدارىڭىزعا ءالى تالاي كەلەمىز. كوپ ماسەلەلەر زاڭ دەڭگەيىندە شەشىلەتىن بولادى», دەدى جاقىپ اسانوۆ ءماجىلىس دەپۋتاتى بەكبولات تىلەۋحاننىڭ ساۋالىنا جاۋاپ بەرە وتىرىپ.