ازاماتتاردىڭ ۇسىنىسىتارىنىڭ ارقيلىلىعى بيلىك جۇيەسىنىڭ شالالىعىن كورسەتەدى. بۇل تۋرالى مەملەكەت باسشىسى نۇرسۇلتان نازارباەۆ جۇمىس توبىنىڭ قورىتىندى وتىرىسىندا مالىمدەدى.
"ازاماتتار ۇسىنعان پىكىرلەردىڭ ارقيلىلىعى ءبىزدىڭ كەمشىلىگىمىزدى جانە بيلىك جۇيەسىندەگى شالالىقتى كورسەتەدى. ءبىزدىڭ ەندىگىدە نەمەن اينالىسۋىمىز كەرەكتىگىن, اسىرەسە قۇقىق قورعاۋ ورگاندارىنىڭ ارمەنگى ءىسىن كورسەتەدى. ءبىز دە ءولىم جازاسى بويىنشا پىكىر بىلدىردىك, باسقا دا ماسەلەلەر بويىنشا سويلەدىك... جۇمىس توبى ىرىكتەپ, ماڭىزدىلارىن قالدىرۋى كەرەك. ازاماتتاردىڭ ايتىپ جاتقان ۇسىنىستارىن قابىلداۋ كەرەك - ارينە, بارلىعىن بىردەي وسى كەزەڭدە المايمىز", - دەدى نۇرسۇلتان نازارباەۆ.
سونىمەن قاتار ەلباسى ازاماتتاردىڭ بارلىق ۇسىنىسى ەسكەرىلەتىنىن ايتتى.
"ەشتەڭە دە تۇراقتاپ قالمايدى, پروتسەسس ءجۇرىپ جاتىر, ءومىر جالعاسادى, بارلىعى دامۋ ۇستىندە. ۋاقىتتىڭ تالابىمەن بەلگىلى ءبىر وزگەرىستەر ەنگىزىلەتىن شىعار. مۇنىڭ بارلىعى پرەزيدەنتتىڭ قۇزىرەتىن بيلىكتىڭ باسقا تارماقتارى اراسىندا ۇلەستىرۋ ءۇشىن جاسالىپ وتىر. وزگە ەلدەردە كەرىسىنشە, پرەزيدەنتتىڭ قۇزىرەتتى كەڭەيتۋ ءۇشىن رەفورمالار وتكىزىلىپ, كونستيتۋتسياعا وزگەرىستەر ەنگىزىلەدى. ال بىزدە باسقاشا, سەبەبى 25 جىل ىشىندە باسقارۋدىڭ پرەزيدەنتتىڭ جۇيەسى العا قويىلعان مىندەتتەردى ورىندادى", - دەدى نازارباەۆ.