–جاقىندا قازاقستاننىڭ بۇۇ جانىنداعى تۇراقتى وكىلدىگى قاۋىپسىزدىك كەڭەسىنىڭ وڭتۇستىك سۋدانداعى بۇۇ ميسسياسىنا ارنالعان كونسۋلتاتسيالارىنا قاتىستى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
وندا بۇۇ باس حاتشىسىنىڭ ءبىتىمگەرلىك وپەراتسيالار جونىندەگى كومەكشىسى ءال-گاسيم ۋەين ەلدەگى جاعداي تۋرالى بايانداما جاسادى. سونداي-اق, باس حاتشىنىڭ ادام قۇقىعى بويىنشا كومەكشىسى جانە جوعارعى كوميسساردىڭ نيۋ-يوركتەگى باسقارماسى ءوفيسىنىڭ باسشىسى ەندريۋ گيلمور ءوزىنىڭ وڭتۇستىك سۋدانعا بارعان ساپارىنىڭ قورىتىندىسىمەن ءجانە وندا ادام قۇقىعىنىڭ قورعالۋ جاعدايىمەن تانىستىردى.
دەلەگاتسيالار ەلدە قالىپتاسقان قيىن جاعدايدى 2015 جىلعى وڭتۇستىك سۋدان جانجالىن رەتتەۋ تۋرالى كەلىسىم تولىق ورىندالعاندا عانا ونى ساياسي جولمەن رەتتەۋگە مۇمكىن بولادى دەگەن توقتامعا كەلدى. ال قازاقستاندىق دەلەگاتسيا بۇل ەلدەگى گۋمانيتارلىق اۋىر جاعدايعا الاڭداۋشىلىعىن بىلدىرە كەلىپ, اشتىق زاردابىن تارتىپ وتىرعان وڭتۇستىك سۋدان حالقىنا ازىق-ت ۇلىك جەتكىزەتىن گۋمانيتارلىق ۇيىمداردىڭ كەدەرگىسىز جۇرۋلەرىن قامتاماسىز ەتۋگە شاقىردى. سونىمەن قاتار, بۇۇ-نىڭ وڭتۇستىك سۋدانداعى بىتىمگەرلىك ميسسياسىنىڭ تيىمدىلىگىن ارتتىرۋعا بايلانىستى ناقتى ۇسىنىم جاسادى.