ەل تاريحىندا ايەلدەر قاۋىمى بولاشاق ۇرپاق ءۇشىن دانالىق تانىتىپ, وتاننىڭ تىنىشتىعىن, وتباسىنىڭ بىرلىگىن ساقتاپ كەلگەنى بەلگىلى. مىناۋ كەڭ دۇنيە مەن تىرشىلىك تەك ايەل بالاسىمەن اجارلى. ەندەشە, كوڭىلدەرگە شۋاق پەن نۇر قۇيعان كوكتەمنىڭ العاشقى كۇنىندە وقىرمانعا جول تارتقان گازەتىمىزدىڭ «ايەل الەمى» بەتى ءومىردىڭ گ ۇلى, كوڭىلدىڭ جىرى, ءار وتباسىنىڭ التىن دىڭگەگى بولعان قىز-كەلىنشەكتەرگە, ادال جار, ابزال انالارعا, الپەشتى اجەلەرگە ارنالادى.
جەر بەتىندەگى كەز كەلگەن حالىقتىڭ ءوز الدىنا ۇلت بولىپ ۇيىسۋىنا, جەكە حالىق, ەگەمەن ەل, دەربەس مەملەكەت بولىپ قالىپتاسۋىنا ايەل-انالاردىڭ سىڭىرەر ەڭبەگى قاشاندا وراسان زور. ياعني, ايەلدەرگە دەگەن قۇرمەت پەن ىستىق سەزىم ەشقاشان باسىلماق ەمەس.