بۇگىن استانادا «سامۇرىق-قازىنا» ۇلتتىق ءال-اۋقات قورىنىڭ باسشىلىعى ءىرى xالىقارالىق كومپانيالار, ينۆەستورلار مەن بانكتەردىڭ 300-گە جۋىق وكىلىمەن كەزدەسۋ وتكىزدى. قوردىڭ اكتيۆتەردى جەكەشەلەندىرۋ دەپارتامەنتىنىڭ ديرەكتورى داۋرەن تاسماعامبەتوۆ 217 كومپانيا ساتىلاتىنىن مالىمدەدى, دەپ حابارلايدى baq.kz.
«سامۇرىق-قازىنا» اق اكتيۆتەردى 2016-2020 جىلدارى جەكەشەلەندىرەدى. باستى ماقساتتىڭ ءبىرى – ەىدۇ ەلدەرى ستاندارتتارىنا سايكەس قوردىڭ ەكونوميكاداعى ۇلەسىن 1,5 پايىزعا قىسقارتۋ.
«قازىرگى ۋاقىتتا قور اكتيۆتەرىن جەكەشەلەندىرۋ باعدارلاماسى بەلسەندى جۇرگىزىلىپ جاتىر. باعدارلاما اياسىندا 217 اكتيۆ ەكى كەزەڭگە ءبولىنىپ ساتىلادى. ءبىرىنشى تىزبەدە 45 ءىرى كومپانيا بار. ونىڭ ىشىندە «قازاتومونەركاسىپ» اق, «ەير استانا» اق IPO-عا شىعارىلاتىن كومپانيالار تىزىمىندە. اكتسيالاردى ورنالاستىرۋ تۋرالى شەشىم كوپتەگەن فاكتورعا بايلانىستى. ماكروەكونوميكالىق اxۋال, قۇندى قاعازدار نارىعىنداعى جاعداي مەن كومپانيالاردىڭ دايىندىعى ەسكەرىلەدى. قازىرگى كەزدە ءبىز IPO-عا دايىندىقتىڭ العاشقى كەزەڭىندە تۇرمىز, ينۆەستيتسيالىق بانكتەردى تاڭداپ, كومپانيالاردىڭ دايىندىعىن باعالاپ جاتىرمىز», – دەيدى داۋرەن تاسماعامبەتوۆ.
2016 جىلى قور ەكىنشى تىزبەدەگى اكتيۆتەردىڭ 75 پايىزىمەن جۇمىس ىستەپ, مەملەكەتتىك كوميسسيانىڭ كەلىسىمى بويىنشا ولاردى ساتۋعا كىرىستى. ءىرى اكتيۆتەردى ساتۋ 2018 جىلدىڭ سوڭىنا دەيىن اياقتالادى دەپ جوسپارلانىپ وتىر.