كاليفورنيانىڭ ريۆەرسايد قالاسىندا تۇرعىن ۇيلەردىڭ ۇستىنە ۇشاق قۇلادى. الدىن الا مالىمەتتەر بويىنشا ەڭ كەمىندە 4 ادام قازا تاپقان, دەپ جازادى ۆۆس. باسىلىمنىڭ حابارلاۋىنشا, اۋەجايدان ۇشقان ۇشاق سان-حوسە قالاسىنا بەتتەگەن.
ۇشاق ەكى تۇرعىن ءۇيدىڭ ۇستىنە قۇلاپ, ءورت شىققان. ريۆەرسايد ءورت ءسوندىرۋ دەپارتامەنتىنىڭ باسشىسى مايكل مۋردىڭ ايتۋىنشا, Cessna 310 ۇشاعىندا 5 ادامنان تۇراتىن ءبىر وتباسى بولعان.
قۇتقارۋشىلار زارداپ شەككەندەر تۋرالى تولىق اقپارات بەرگەن جوق. پوليتسيا اپاتتىڭ نەدەن بولعانىن انىقتاۋدا.