وليمپيادا كوميتەتىن مەرەيتويىمەن قۇتتىقتادى

بيىل قازاقستان ۇلتتىق وليمپيادا كوميتەتىنىڭ قۇرىل­عانىنا شيرەك عاسىر تولىپ وتىر. اتالعان ۇيىم 1992 جىلى ىرگە كوتەرىپ, سول جىلى قازاقستان حالىقارالىق وليم­پيادا كوميتەتىنە مۇشە بولىپ قابىلداندى. ال 1994 جىلى ليللە­حامەردە (نورۆەگيا) وتكەن قىسقى وليمپياداعا قازاقستان تۇڭعىش رەت تاۋەلسىز مەملەكەت رەتىندە قاتىسقان بولاتىن. تاياۋدا حح عاسىردىڭ ەڭ جۇيرىك قازاعى, قىس­قا قا­شىق­تىققا جۇگى­رۋدەن كسرو-نىڭ بىرنە­شە دۇركىن چەمپيونى ءجا­نە رەكوردشىسى, ەۋرو­پا چەم­پيو­ناتىنىڭ ءجۇل­دەگەرى بولعان ءامين تۇيا­قوۆ قازاقستان ۇلت­تىق وليم­پيادا كوميتەتىن 25 جىل­­دىق مەرەيتويىمەن قۇت­تىقتادى. سەكسەننىڭ سەڭگىرىنە شىققان ارداگەر سپورتشى قازاقستان قۇراما كومانداسىنىڭ ريو-2016 وليم­پيادا­سىن­­داعى جە­تىستىگىن ۇلت­تىق وليم­پيادا كو­مي­تەتى ءجۇر­گىزگەن اۋقىم­دى جۇمىس­­تاردىڭ ناتيجە­سى­مەن تىعىز باي­لانىس­تىرادى. «تيمۋر ق ۇلىباەۆتىڭ ۇلت­تىق وليمپيادا كو­ميتەتىن باسقارىپ وتىر­عانىنا از عانا مەر­زىم بولعانىمەن, ول سپورت سالاسىمەن ءبىر­تا­لاي ۋا­قىتتان بەرى بىتە قاي­ناسىپ كەلەدى. ءتاجى­ريبەسى مول. بۇعان دەيىن قازاقستان رەسپۋب­لي­كاسىنىڭ بوكس فەدەراتسياسىن باس­قا­رىپ تۇر­عان كەزىندە ەل بوكسشىلارى ازيا ويىندارىندا جوعارى ناتيجە كور­سەتتى. بىلعارى قول­عاپ شەبەرلەرىنىڭ ال­­ماتىداعى الەم چەمپيوناتىن جوعارى دەڭ­گەيدە وتكىزدى. ريو وليم­پيا­داسىندا سپورت­شى­لارعا قول­داۋ كورسەتىپ, جا­­رىستىڭ باسى-قاسىندا ءجۇردى», دەيدى ايگىلى اتلەت. ءامين تۇياقوۆ سپورتتى دامىتۋ ىسىندە ۇلتتىق وليمپيادا كوميتەتى ءرولى­نىڭ زور ەكەنىن ايتادى. سول سەبەپتى دە, ول ۇي­ىمعا جاڭادان كەلگەن جاس مامان­داردىڭ ەل سپور­تىنىڭ دامۋى­نا سۇبەلى ۇلەس قوساتىنىنا سەنىمدى. «ريو-دە-جانەيرو وليم­­پيا­داسىندا جەڭىپ ال­عان 17 مەدال – تاريحي جەڭىس. ەندى ال­داعى وليمپيا ويىندارىندا مەدال سانىن ارتتىرۋ, التىن جۇلدەنى كوبىرەك الۋ ءۇشىن جان-جاقتى جۇمىستار جۇرگىزىلەدى دەپ سەنەمىن. ول ءۇشىن سپورت­شىلاردى قولداۋدى بۇرىنعىدان دا ارتتىرا ءتۇسۋ كەرەك. ۇلتتىق وليم­پيادا كوميتەتىنىڭ جۇمىسى جەڭىل ەمەس. سوندىقتان, بۇل جاڭا كومان­دانىڭ الدىندا ءۇل­كەن اس­قارالى مىندەتتەر مەن بيىك اسۋلار تۇر», دەيدى ول. سونىمەن قاتار ارداگەر سپورتشى قازاقستاندا جەڭىل ات­لەتيكا سپورتىن دامىتۋعا بايلانىستى ءوزى­نىڭ وي-پىكىرىمەن دە ءبولىستى. «ۇلتتىق وليمپيادا كو­ميتەتى جۇلدەسى كوپ جەڭىل اتلە­تيكا سپور­تىن ەلىمىزدە دامىتا تۇسسە دەيمىن. ولگا رى­پاكوۆا سياق­تى ءار جارىس­تان مەدال الىپ كەلەتىن ءۇش-ءتورت جەڭىل اتلەتىمىز بول­سا, وليم­پياداداعى ءجۇل­­دەلە­رىمىز­دىڭ سا­نى ارتا ءتۇ­سەر ەدى. قازىر قا­زاقستاندا تەك وسكە­مەندە عانا جابىق مانەج بار. شىم­كەنتتە جانە ال­ماتىدا عانا ستان­دارتقا ساي كەلە­تىن ستا­ديون بار. سوندىقتان باسقا ايماقتاردا دا جەڭىل اتلەتيكا زال­دارى مەن مانەجدەر سانى كوبەيسە دەيمىن», دەپ وي ءتۇيىن­دەدى ءا.تۇياقوۆ. قايرات ءابىلدينوۆ, «ەگەمەن قازاقستان»