كەرەكۋ كۇرەس زالىنا ءزارۋ

كەرەكۋ توپىراعى بىلەكتى بالۋانعا كەندە بولعان ەمەس. قازىر دە نايزاعاي نامىستى جىگىتتەر بارشىلىق. بىراق, قازاق كۇرەسىن سەرىك ەتىپ جۇرگەن سول سايىپقىراندارعا جاسالىپ وتىرعان جاعدايعا كوڭىل تولمايدى. كوز كورىپ جۇرگەن كەمشىلىكتەر دە جوق ەمەس. ءيا, قازاق كۇرەسىنىڭ ءبىر كەز­دەرى بۇل وڭىردە تۇرالاپ قالعانى راس. ءتول كۇرەسىمىز عانا ەمەس, وزگە دە سپورت تۇرلەرىنىڭ بو­ساعادان سىعالاپ قالعانىن جاق­سى بىلەمىز. شۇكىر, قازىر جاع­داي ەداۋىر جاقساردى. قازاق كۇرە­سىنە دەگەن قىزىعۋشىلىق تا, قامقورلىق تا الابوتەن. الايدا, ءالى كۇنگە دەيىن شەشىمىن تاپپاعان ماسەلەلەر دە بارشىلىق. سونىڭ ءبىرى – پاۆلوداردا قازاق كۇرەسىنە ارنالعان ارنايى زالدىڭ جوق­تىعى. جەرگىلىكتى باپكەرلەر مەن بالۋاندار ءتول سپورتىمىزعا ارنالعان ارنايى سپورت كەشەنىنىڭ بوي كوتەرگەنىن قالايدى. نەگىزى, بۇل اڭگىمە كوپتەن ايتىلىپ ءجۇر. جۋىردا وبلىستىق قازاق كۇرەسى فەدەراتسياسىنىڭ القا ماجىلىسىندە دە ءسوز بولدى. سول جيىنعا قاتىسقان سامبونىڭ ساڭلاعى, بۇگىندە م.قايىرباەۆ اتىنداعى ۇلتتىق جانە حالىقتىق سپورت تۇرلەرى كلۋبىنىڭ تىزگىنىن ۇستاعان ەرجان ءيمانجۇسىپوۆ كوپشىلىكتىڭ نازارىن بۇل ماسە­لەگە تاعى ءبىر مارتە اۋداردى. – «قازاقستان بارىسى» ءتۋرنيرى وتەتىن ۋاقىت تا جاقىنداپ كەلەدى. ال ءبىزدىڭ بالۋانداردىڭ باس قوسىپ, بىلەك كۇشىن سىنار جەرى جوق. ارينە, كىشىگىرىم سپورت زالدارى بار. وقۋ ورىندارىنىڭ, سپورت كەشەندەرىنىڭ زالدارىن سۇراپ الىپ, جاتتىعۋعا بولادى. بىراق, مۇنداي زالدارعا وبلىستىڭ مىقتى دەگەن بارلىق بالۋانى مەن باپكەرلەرىن ءبىر ساتتە جيناي المايمىز. سپورتشىلارىمىز وقۋ-جاتتىعۋ جيىندارىن ءبو­لەك-بولەك وتكىزەدى. بۇدان شىق­قان ناتيجە دە ماردىمسىز. سون­دىقتان, پاۆلودارعا قازاق كۇ­رەسىنە ارنالعان جەكە سپورت كە­شەنى كەرەك. بالكىم, وبلىس ور­تالىعىنان وسىعان لايىقتى عيمارات تا تابىلىپ قالار, – دەدى ە.ءيمانجۇسىپوۆ. وسى جاعدايعا بايلانىس­تى سپورت ارداگەرى امانگەلدى ايماعامبەتوۆ تە ءوز ويىن ءبىل­دىردى. – پاۆلوداردا بوكس ورتا­لىعى بار. بۇل – وبلىستاعى بىل­­عارى قولعاپ شەبەرلەرىنىڭ جەكە وتاۋ­ى. ولار قالاعان ۋا­قىت­­تا وسى ورتالىققا جينالىپ, وقۋ-جاتتىعۋ جيىندارىن ءوت­كىزە الادى. ءدال وسىنداي كەشەن با­لۋاندارعا دا كەرەك. ءار عي­ما­راتتىڭ جەرتولەسىندە جات­تى­عىپ, جارىس وتكىزۋ ءۇشىن ءىرى سپورت نىساندارىنىڭ, وقۋ ورىن­دارىنىڭ تابالدىرىعىن توزدىرۋ – كەشەگىنىڭ اڭگىمەسى بولۋى كەرەك ەدى. «قازاقستان بارىسىن», «الەم بارىسىن» تاربيەلەپ شىعارامىز دەسەك, الدىمەن وسى ماسەلەنىڭ ءتۇيىنىن تارقاتىپ العان ءجون, – دەيدى ا.ايماعامبەتوۆ. كەرەكۋ وڭىرىندە قازاق كۇرەسىنە كەلگەندە كەجەگەسى كەيىن تارتا قالاتىن اۋدان اكىمدەرى دە بار. باسشىلاردىڭ نەمكەتتىلىگىنەن ماي جانە ەرتىس اۋداندارىنىڭ بالۋاندارى وبلىس ورتالىعىندا وتەتىن جارىستارعا كوبىنە قا­تىسپايدى. قارجىنىڭ جوقتىعى قولبايلاۋ. ال ەندى ءبىر وڭىرلەردە قازاق كۇرەسىنە ارنالعان سپورتتىق كيىم جەتىسپەيدى. بۇل ماسەلەلەر دە فەدەراتسيانىڭ القا ماجىلىسىندە قاۋزالدى. بۇگىندە وبلىستا 5 مىڭنان استام ادام قازاق كۇرەسىمەن شۇعىلدانادى ەكەن. پاۆلودار وبلىسىنىڭ اۋماعىندا وتەتىن ءتورت تۋرنير رەسپۋبليكالىق جارىستاردىڭ كۇنتىزبەسىنە ەنگىزىلگەن. بىلتىر بەس جەرلەسىمىز «سپورت شەبەرى» ءنورماتيۆىن ورىندادى, 60-تان استام سپورتشى «سپورت شەبەرلىگىنە ۇمىتكەر» اتاندى. وبلىس بويىنشا 168 جاتتىقتىرۋشى بالۋانداردى قازاق كۇرەسىنە باۋلۋدا. سونداي-اق, بىلتىر قازاق كۇرەسى فەدەراتسياسى وبلىس قۇراماسى ءۇشىن 12 دانا سپورتتىق كيىم ساتىپ الىپتى. بۇل باعىتتاعى جۇمىستار بيىل دا جالعاسىن تابادى. القا ماجىلىسىندە پاۆلودار قالاسىنىڭ اكىمى, وبلىستىق قازاق كۇرەسى فەدەراتسياسىنىڭ پرەزيدەنتى نۇرجان اشىمبەتوۆ كۇرەس زالى ماسەلەسىن نازاردا ۇستايتىنىن مالىمدەدى. اكىم قالادان بوس عيمارات تابىلسا, كۇرەس زالىنا لايىقتاپ جوندەۋ ءسوز ەمەس دەگەندى العا تارتتى. سونداي-اق, دەمەۋشىلەردى تارتا وتىرىپ, سپورت كەشەنىن سالۋعا دا بولاتىنىن ايتىپ قالدى. ارينە, ءبارى ۋاقىتتىڭ ەنشىسىندە. تەك, ءسوز كۇيىندە قالماسا دەيسىڭ... فارحات امىرەنوۆ, جۋرناليست پاۆلودار