پرەزيدەنت جانىنداعى مەملەكەتتىك باسقارۋ اكادەمياسىندا قازاقستان حالقى اسسامبلەياسىنىڭ قولداۋىمەن «قوعامدىق كەلىسىم مەن جالپىۇلتتىق بىرلىك سالاسىنداعى مەملەكەتتىك ساياسات: دامۋدىڭ جاڭا كەزەڭىنىڭ مىندەتتەرى» تاقىرىبىندا رەسپۋبليكالىق سەمينار-ترەنينگ باستالدى.
ءۇش كۇنگە سوزىلاتىن شارا ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ شەڭبەرىندە ۇيىمداستىرىلىپ وتىر.
سەمينار-ترەنينگ بارىسىندا پرەزيدەنت اكىمشىلىگىنىڭ, قحا حاتشىلىعىنىڭ, مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگىنىڭ, ءدىن ءىستەرى جانە ازاماتتىق قوعام مينيسترلىگىنىڭ, ەڭبەك جانە حالىقتى الەۋمەتتىك قورعاۋ مينيسترلىگىنىڭ, ورتالىق سايلاۋ كوميسسياسىنىڭ ماماندارى, استانا مەديتسينالىق ۋنيۆەرسيتەتىنىڭ پروفەسسورلارى ءدارىس وقىماق.
شاراعا ەلىمىزدەگى ەتنومادەني ءبىرلەستىكتەردىڭ وكىلدەرى, ءدىن ىستەرى, تىلدەردى دامىتۋ باسقارمالارىنىڭ ماماندارى, قۇقىق قورعاۋ ورگاندارىنىڭ ماماندارى, قحا-نىڭ ءوڭىرلەردەگى حاتشىلىقتارىنىڭ جەتەكشىلەرى, ەتنوس-
تارالىق جانە كونفەسسياارالىق قاتىناستار, قوعامدىق كەلىسىم مەن جالپىۇلتتىق بىرلىك سالاسىندا قىزمەت اتقاراتىن مەملەكەتتىك قىزمەتشىلەر قاتىسىپ, ءدارىس تىڭدايدى.
– جالپى, ەتنوسارالىق جانە كونفەسسياارالىق قاتىناستارعا قاتىستى ساياساتتى جۇرگىزۋدە مەمقىزمەتكەرلەردىڭ ءبىلىمى مەن ءبىلىكتىلىگىنە كوپ نارسە بايلانىستى. وسى سەمينار-ترەنينگتە ءدارىس تىڭداعان مامانداردىڭ كاسىبي بىلىكتىلىگى ارتادى دەپ ۇمىتتەنەمىز. ءۇش كۇن ىشىندە ەلىمىزدىڭ ءوڭىرلەرىندەگى ەتنوسارالىق احۋال, كوشى-قون ۇدەرىستەرىنىڭ نەگىزگى باعىتتارى مەن ونىڭ تۇراقتىلىققا تيگىزەتىن ىقپالى سىندى تاقىرىپتار بويىنشا ءدارىس وقىلادى. ەلىمىزدەگى ءدىني احۋالدىڭ بۇگىنگى جاعدايى مەن بولاشاعىنا شولۋ جاسالادى. ءۇشىنشى جاڭعىرۋ بويىنشا ەكونوميكالىق ءوسىمنىڭ جاڭا ءۇلگىسىنە تالداۋ جاسالادى, – دەدى مەملەكەتتىك باسقارۋ اكادەمياسىنىڭ شارانى ۇيىمداستىرۋشى مامانى.
سەمينار-ترەنينگ قورىتىندىسى بويىنشا وعان قاتىسقان ماماندارعا ءتيىستى سەرتيفيكاتتار تاپسىرىلادى.
ارنۇر اسقار,
«ەگەمەن قازاقستان»