ورتالىق كوممۋنيكاتسيالار قىزمەتىندە ءبىلىم جانە عىلىم مينيسترلىگى ءبىلىم سالاسىندا ەلەكتروندى جۇيەنى ەنگىزۋ ماقساتىندا قولعا الىنعان سەرپىندى جوبالار تۋرالى ءباسپاسوز ءماسليحاتىن وتكىزدى.
وعان مينيسترلىكتىڭ اقپاراتتىق تەحنولوگيالار دەپارتامەنتى ديرەكتورى المات يششانوۆ, زاڭ دەپارتامەنتىنىڭ ديرەكتورى نۇرسەيىت بايجانوۆ پەن مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى جاڭىل جونتاەۆا قاتىستى.
اتالعان ۆەدومستۆونىڭ وكىلدەرى ەلىمىزدە ەلەكتروندى كۇندەلىكتەر جۇيەسىنىڭ قاناتقاقتى جوبالارى تۋرالى باياندادى. بۇل جوبانى 2015 جىلى «كۇندەلىك» ساج ۇسىنعان بولاتىن. ول ەلەكتروندى جۋرنالدار مەن كۇندەلىكتەر جوباسى بويىنشا مەملەكەت-جەكەمەنشىك ارىپتەستىگى تۇجىرىمداماسىنىڭ جوباسىن ۇسىندى. وسىعان بايلانىستى مينيسترلىك جوبانىڭ ءتيىمدىلىگىن قاراستىرىپ, ۋاكىلەتتى ورگاندارعا ءجىبەردى. ال بىلتىر تۇجىرىمداما جوباسى اقپارات جانە كوممۋنيكاتسيالار مينيسترلىگى, «اتامەكەن» ۇكپ مەن «ءمجا ورتالىعى» اق-قا جولداندى.
– قازىرگى ۋاقىتتا Kundelik.kz رەسۋرسى «اقپاراتتاندىرۋ تۋرالى» زاڭعا سايكەس اقپاراتتىق جۇيەلەردىڭ مەملەكەتتىك بىرىڭعاي وپەراتورى – «ۇلتتىق اقپاراتتىق تەحنولوگيالار» اق ينفراقۇرىلىمىندا ورنالاستىرىلدى. بۇگىندە جۇيەگە 3887 مەكتەپ پەن 2,5 ملن ادام تىركەلگەن. ولاردىڭ ىشىندە 174 006 مۇعالىم, 1 467 286 وقۋشى مەن 854 280 بالانىڭ اتا-اناسى بار. جۇيەنى بارلىق وبلىستار مەن استانا جانە الماتى قالالارىنىڭ ءبىلىم باسقارمالارى مەن 177 قالالىق جانە اۋداندىق ءبىلىم بولىمدەرى قولدانىپ وتىر, – دەدى ا.يششانوۆ.
بريفينگتە مينيسترلىكتىڭ وكىلى ارىپتەس كومپانيامەن تىكەلەي كەلىسسوزدەر جۇرگىزىپ, جۇيەنى جەتىلدىرۋ بويىنشا بارلىق ۇسىنىستاردىڭ قاراستىرىلىپ جاتقانىن ايتتى. سونىمەن بىرگە ول قازىرگى كەزدە «كۇندەلىك» كومپانياسىنىڭ ىسكەرلىك بەدەلىنە نۇقسان كەلتىرەتىن اقپاراتتاردىڭ تاراپ جاتقانىن دا جاسىرمادى.
– «Kۇندەلىك» جۇيەسىنە ەلىمىزدىڭ كەز كەلگەن مەكتەبى قالاعان ۋاقىتىندا تەگىن قوسىلا الادى. ول مەكتەپتەردىڭ وقۋشىلارى مەن ولاردىڭ اتا-انالارى ءوز باعالارىن, ءۇي تاپسىرمالارىن, ساباق كەستەلەرىن, مەكتەپتەگى جاڭالىقتاردى جانە باسقا دا اقپاراتتى قاراپ وتىرۋعا ارنالعان. اتا-انا ءوز پايدالانۋشى اتى مەن قۇپياسوز ارقىلى كundelik.kz سايتىنا كىرىپ, «بالالار» – «كۇندەلىك» دەگەن بولىمدەرى ارقىلى ءوز بالاسىنىڭ ەلەكتروندى كۇندەلىگىنە كىرىپ, ونىڭ باعالارىن, ءۇي تاپسىرمالارىن تەگىن كورە الادى. مەكتەپتەردەن دە سايتتى پايدالانۋ ءۇشىن ەشقانداي تولەم الىنبايدى, – دەدى ول.
داستان كەنجالين,
«ەگەمەن قازاقستان»