ەلىمىز سوڭعى 25 جىلدىڭ ىشىندە بىرقاتار قيىن كەزەڭدى باسىنان كەشىرسە دە, ءوزىن تاۋەلسىز مەملەكەت رەتىندە دۇنيە جۇزىنە تانىتا ءبىلدى. بۇگىنگى جاھاندىق الەمنىڭ ءبىر بولىگى بولعاندىقتان, كورشى جانە باسقا دا مەملەكەتتەرمەن قارىم-قاتىناسىمىزدى جانداندىرىپ, ەل ەكونوميكاسىن دامىتۋعا ارەكەت ەتۋ وتە ماڭىزدى.
پرەزيدەنتتىڭ 2017 جىلى 31 قاڭتارداعى حالىققا جولداۋىندا ەلىمىزدى ءارى قاراي دامىتۋ ءۇشىن ۇكىمەتكە نە ىستەۋ كەرەكتىگى ناقتى كورسەتىلگەن. ايتا كەتسەك, جولداۋدا الەۋمەتتىك-ەكونوميكالىق باعىتتاعى جۇمىستاردى دۇرىس جۇرگىزۋدىڭ ناتيجەسىندە حالىقتىڭ جاعدايى جاقساراتىنى انىق ايتىلعان. اسىرەسە, جاعدايى تومەن حالىقتى ۋربانيزاتسيا ۇدەرىسىمەن قامتۋ جانە دە «نۇرلى جول» باعدارلاماسى بويىنشا 1,5 ميلليون وتباسىن پاتەرمەن قامتاماسىز ەتۋ جۇمىستارى اسا ماڭىزدى بولىپ تابىلادى.
ارينە, بۇل ىستەر مەملەكەتتىڭ دامۋىنا, ونىڭ ىشىندە حالىقتىڭ ءال-اۋقاتىنىڭ ارتۋىنا ەرەكشە اسەر ەتەتىنى ايدان انىق. سونىمەن قاتار, بۇل ارەكەتتەر جاڭا ينفراقۇرىلىمنىڭ, جۇمىس ورىندارىنىڭ پايدا بولۋىنا جانە قالالاردىڭ الەۋمەتتىك قانا ەمەس, ارحيتەكتۋرالىق جاعىنان كوركەيۋىنە سەپتىگىن تيگىزەتىنى تالاسسىز. قالالاردىڭ ءوسىپ-وركەندەۋىنە تۇرعىندارمەن بىرگە زور اسەرىن تيگىزەتىن تۇلعالار – جەكە كاسىپكەرلەر. ولاردىڭ بيۋروكراتياسىز جۇمىس ىستەۋلەرىنە جانە وزدەرىن ءارى قاراي دامىتۋلارىنا مەملەكەت تاراپىنان كورسەتىلەتىن كومەكتەر جولداۋدا ناقتى ايقىندالعان.
وسى ءىس-شارالاردىڭ ورىندالۋىن قامتاماسىز ەتۋ ءۇشىن جۇدىرىقتاي جۇمىلىپ جۇمىس ىستەۋ – ءاربىرىمىزدىڭ پارىزىمىز.
ەرماعامبەت بيجانوۆ,
«بولاشاق» باعدارلاماسىنىڭ ستيپەندياتى, بەرلين تەحنيكالىق
ۋنيۆەرسيتەتىنىڭ ماگيسترانتى