شىعىس قازاقستاندا اپاتقا ۇشىراعان تىكۇشاق ۇشقىشىنىڭ دەنەسى تابىلدى, دەپ حابارلايدى قازاقپارات.
تەرگەۋ-جەدەل توبى مەن قۇتقارۋشىلار قۇلاعان تىكۇشاقتىڭ 47 جاستاعى ۇشقىشى - پەتر ءۋستينوۆتىڭ دەنەسىن تاپتى. ول مي-8 تىكۇشاعىمەن اياگوزگە جەتكىزىلەدى.
«اپات بولعان جەردە ءىىد تەرگەۋ-شۇعىل توبى جۇمىستارىن جالعاستىرادى. ولارمەن شىعىس وڭىرلىك اەروۇتقىر جەدەل قۇتقارۋ جاساعى بىرگە قالادى», – دەپ حابارلادى شقو تجد ءباسپاسوز قىزمەتىندە.
بۇعان دەيىن قر ينۆەستيتسيالار جانە دامۋ مينيسترلىگى قۇلاعان تىكۇشاقتىڭ يەسى انىقتالعاندىعىن ءمالىم ەتكەن بولاتىن.
ايتا كەتەيىك, كەشە شىعىس قازاقستان وبلىسىندا جەكەمەنشىك «سترەكوزا 7-Gazelle SA341» تىكۇشاعى اپاتقا ۇشىراعان. ونى ىزدەۋگە بۇگىن تاڭەرتەڭ وبلىس ورتالىعىنان بورتىندا قۇتقارۋشىلار توبى جانە شقو تجد باسشىسىنىڭ ورىنباسارى بار مي-8, سەمەي قالاسىنان مي-17 اسكەري تىكۇشاعى جۇمىلدىرىلدى. شقو تجد داعدارىس ورتالىعىندا جانە اياگوز اۋدانىندا جەدەل شتاب قۇرىلدى.
«س-341»-ءدى الماتى وبلىسىنان ىزدەۋگە اتتاندىرىلعان جەكە كومپانيانىڭ مي-2 تىكۇشاعى تاپتى.
«قازاەروناۆيگاتسيانىڭ» مالىمەتىنشە, جوعالعان تىكۇشاق اياگوز قالاسىنان سولتۇستىك باتىسقا قاراي 60 كم جەردەن تابىلدى. ولاردىڭ حابارلاۋىنشا, ۇشقىش قازا تاپقان. امان قالعان ءبىر جولاۋشى ايعىز اۋىلىنا جەتكىزىلدى.