دۇيسەنبى كۇنى ازيا ساۋدا سەسسياسىندا فۋنتتىڭ قۇنى السىرەدى. ۇلىبريتانيانىڭ ەو-دان شىعۋ ارەكەتتەرىنەن السىرەپ قالعان فۋنتقا شوتلانديانىڭ ۇلىبريتانيا قۇرامىنان شىعۋ تۋرالى باستاما كوتەرۋى جىعىلعانعا جۇدىرىق بولدى.
ەكىنشى جاعىنان, فۋنتتىڭ السىرەۋىنە اۆستراليالىق دوللاردىڭ كوتەرىلۋى سەبەپ. وتكەن جىلدىڭ ءتورتىنشى توقسانىندا جالپى وپەراتسيالىق تابىس 8 پايىز وسەدى دەپ كۇتىلگەن اۆستريا دوللارى ءىس جۇزىندە 20,1 پايىزعا ءبىر-اق كوتەرىلگەن.
ال اقش دوللارىنىڭ شاماسى ازىرگە تۇراقتى. الەمنىڭ التى ءىرى ۆاليۋتاسىنا شاققاناعى قۇنى دۇيسەنبى كۇنى وزگەرمەگەن دوللار وسى اپتا سوڭىنداعى اقش-تاعى ءىرى شارالار كەزىندە تولقۋى مۇمكىن.
ال تەڭگەنىڭ قۇنى اپتا باسىن السىرەۋمەن باستاعانىمەن, ءالى دە بولسا 14 ايلىق ماكسيمۋمنان الىستاعان جوق.