قازاقستان رەسپۋبليكاسىنىڭ پرەمەر-مينيسترىمەن كەلىسىم بويىنشا «بايتەرەك» ۇلتتىق باسقارۋشى حولدينگى» اق باسقارماسىنىڭ شەشىمىمەن اباي سارقۇلوۆ «دامۋ» كاسىپكەرلىكتى دامىتۋ قورى» اق-نىڭ باسقارما توراعاسى بولىپ تاعايىندالدى, دەپ حابارلايدى اتالعان قوردىڭ ءباسپاسوز قىزمەتى.
اباي سارقۇلوۆتىڭ قارجى سالاسىندا 13 جىلدىق جۇمىس تاجىريبەسى بار. «بايتەرەك» حولدينگى كومپانياسىنىڭ توبىندا 2008 جىلدان قىزمەت ەتۋدە. ەڭبەك جولىن ينفراقۇرىلىمدىق جوبالارعا كرەديت بەرۋدى باسقارۋ مەنەدجەرىنەن باستاعان ول سوڭعى ۋاقىتتا «قازاقستاننىڭ دامۋ بانكى» اق باسقارما توراعاسىنىڭ ورىنباسارى لاۋازىمىن اتقارعان. ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىن اياقتاعان. «بايتەرەك» حولدينگىسىنىڭ ەنشىلەس ۇيىمى «دامۋ» كاسىپكەرلىكتى دامىتۋ قورى» اق-نىڭ ميسسياسى قارجى ينستيتۋتتارىنىڭ اۋقىمدى سپەكتورىن جانە بيزنەستى دامىتۋ باعدارلامالارىن قامتيتىن كەشەندى قولداۋ ارقىلى قازاقستاننىڭ شاعىن جانە ورتا بيزنەسىن ساپالى دامىتۋعا ىقپال ەتۋ بولىپ تابىلادى.