"قازاقستاندى سەنىمدى دوس, باۋىرلاس مەملەكەت دەپ سانايمىز" (سۇحبات)

ازەربايجان ميللي مەدجليسىنىڭ دەپۋتاتى اديل اليەۆپەن اڭگىمە – قازاقستانعا حوش كەلدىڭىز! ءبىزدىڭ ەلىمىزدە بۇعان دەيىن دە بىرنەشە مارتە كەلگەنىڭىز ەسى­مىزدە... – كوپ راحمەت! ءيا, قازاقستانعا ءۇشىنشى مارتە جولىم ءتۇسىپ وتىر. ەڭ العاش بىرنەشە جىل بۇرىن تمد ەلدەرى پارلامەنتارالىق اسسامبلەياسىنىڭ وتىرىسىنا كەلگەن بولاتىنبىز. ەكىنشى رەت وتكەن جىلدىڭ ناۋرىز ايىندا قازاق­ستانداعى پارلامەنتتىك سايلاۋعا حالىقارالىق بايقاۋشى رەتىندە قاتىس­تىق. سايلاۋدىڭ حالىقارالىق تالاپ­تار­عا ساي, ءادىل وتكەنىنە كۋا بولدىق. وسى جولى ازەربايجان-قازاقستان پار­لا­مەنتارالىق دوستىق توبىنىڭ جەتەك­شىسى رەتىندە كەلىپ وتىرمىن. الداعى ۋاقىتتا سىزدەردىڭ ەلدەرىڭىزگە تاعى دا جولىم تۇسەدى دەگەن ۇمىتتەمىن. – جالپى, ازەربايجان مەن قا­زاق­ستان اراسىنداعى قارىم-قاتىناس­تار­دىڭ دامۋ بارىسىن قالاي باعا­لايسىز؟ – ءبىز قازاقستاندى ازەر­باي­جان­نىڭ سەنىم­دى دوسى, باۋىرلاس مەملەكەت دەپ تاني­مىز. ەكى ەل پرەزيدەنت­تەرى­نىڭ دەڭگەيىندە, پارلامەنتاريلەر دەڭگەيىندە وتە جاقسى دوستىق قاتىناس­تاردىڭ ورناعانىنا كوپ جىل ءوتتى. وسى ۋاقىت ارالىعىندا ءوزارا دوس­تى­عىمىز نىعايىپ, قارىم-قا­تىناس­تارىمىز كۇشەيىپ كەلە جاتقانىن كورىپ وتىرمىز. ءبىز قازاقستانعا جانە قا­زاق­ستان باسشىسىنا ەرەكشە قۇر­مەتپەن قارايمىز. ەكى ەل باس­شىلىعىنىڭ اراسىنداعى دوس­تىقتى جوعارى باعالايمىز. ءوز باسىم مەملەكەتتەرىمىزدىڭ ارا­سىن­داعى پارلامەنتارالىق دوستىق توبىنىڭ جەتەكشىسى رەتىندە بىزگە دەيىن جاسالعان جۇمىستاردى ودان ءارى جەتىلدىرە تۇسۋگە مۇددەلىمىن. سونداي-اق, جاساعان جۇمىستارىمىزدىڭ الداعى ۋاقىت­تا دا جالعاسىن تابا بەرۋىنە تىلەكتەس­پىن. قازاقستاندىق ارىپتەستەرىمىزبەن ويىمىز ءبىر جەردەن شىعادى دەپ ۇمىتتەنەمىن. – قازاقستاندى مەكەندەيتىن ازەر­بايجان ەتنوسىنىڭ وكىلدەرى جەتەرلىك. ولاردىڭ مۇنداعى تۇرمىس-تىرشىلىگى تۋرالى قانداي پىكىردەسىز؟ – بيىل ازەربايجان حالقىنىڭ قازاق­ستان مەن ورتالىق ازيا ەلدەرىنە جەر اۋدارىلعانىنا سەكسەن جىل تولىپ وتىر. سەكسەن جىل بۇرىن قازاق حالقى ءبىزدىڭ قانداستارىمىزعا ادامي تۇرعىدا ۇلكەن جاقسىلىق جاسادى. ازەربايجاندىقتاردى شەتتەتپەي, باۋىرىنا تارتتى. ونى ءبىز ەشقاشان ۇمىتپايمىز. بۇگىنگى تاڭدا قازاقستاندا تۇراتىن ازەربايجانداردىڭ قاتارى 120 مىڭعا جۋىقتايدى. ولار وزدەرىن بوتەن ەلدە ەمەس, ءوز ەلىندە جۇرگەندەي سەزىنەدى. قازاقستاننىڭ تىنىس-تىرشىلىگىنىڭ بار­لىق سالاسىندا ازەربايجان ۇلتىنىڭ وكىلدەرى بار. ەلدىڭ دامۋىنا, ءوسىپ-وركەندەۋىنە بارشا قازاقستاندىقتارمەن بىرگە ۇلەس قوسىپ جاتىر. قازاقستاندا حالىق يگىلىگى ءۇشىن جاسالىپ جاتقان جاقسىلىقتاردىڭ بارلىعىن كورۋدە. ازەربايجان حالقىنىڭ سالت-ءداس­تۇرىنە, تىلىنە, رۋحاني قۇندى­لىقتارىنا قۇرمەتپەن قاراپ, ولاردى ساقتاپ قالۋعا بارلىق جاعداي جاسالعانىن جاقسى بىلەمىن. شىنىمدى ايتسام, ءوز باسىم, جەرگىلىكتى ازەربايجانداردىڭ اراسىنان بۇل ەلگە كوڭىلى تولمايتىن ادامدى كەزدەستىرگەن دە, ول تۋرالى ەستىگەن دە ەمەسپىن. – قازاقستان-ازەربايجان ارا­سىن­داعى ساۋدا-ەكونو­ميكا­لىق قاتى­ناستاردىڭ كەلەشەگى تۋرالى ايتساڭىز. – ەكى مەملەكەتتىڭ بىرلەس­كەن ءىرى جوبالارى بار. ءاسى­رە­سە, مۇناي, ينۆەستيتسيا سا­لاسىنداعى ىنتىماقتاستىق قارقىندى دامۋدا. تەمىر جول, سۋ جولى, اۆتوموبيل جولى سالالارىنداعى ين­فرا­قۇ­رى­لىمدى ورىستەتۋدە جاقسى جە­تىستىكتەرگە جەتتىك. بۇل ەكى ەل­دىڭ دە ەكونوميكاسىنا سەرپىن بەرۋدە. سونىمەن قاتار, باسقا مەملەكەتتەر قاتى­ساتىن جوبالار دا از ەمەس. قازاقستان مەن ازەربايجاننىڭ تەرريتوريا­سى تاريحتاعى ۇلى جىبەك جولىنىڭ اسا ماڭىزدى بولىگى ەكەنىن بىلەسىز. وسى ورايدا, جاڭعىرعان ۇلى جىبەك جولى – بىرنەشە مەملەكەتتىڭ مۇددەسىن قامتيتىن اسا ءىرى حالىقارالىق جوبا بولىپ وتىر. جالپى, ازيا مەن ەۋروپانى بايلانىس­تىرۋدا ەكى ەلدىڭ گەوگرافيالىق ورنى ۇلكەن ماڭىزعا يە, بۇل – ءبىزدىڭ ەكونوميكامىزدى ورىستەتۋ ءۇشىن ۇلكەن مۇمكىندىك. بۇگىندە اقتاۋ پورتى ارقىلى ەۋروپادان ازياعا, ازيادان ەۋروپاعا جۇك تاسىمالداۋ جولعا قويىلعان. قازاقستان ءۇشىن ازەربايجان پورتتارى ارقىلى ەۋروپاعا شىعۋ ەكونوميكالىق جاعىنان وتە ءتيىمدى. ازەربايجان دا ءوزى­نىڭ كولىك ينفراقۇرىلىمىن دامى­تۋعا كۇش سالىپ جاتىر. قازاقستان مەن ازەربايجان پرە­زيدەنتتەرى ەكى ەلدىڭ مۇددەسىن كوز­دەيتىن, ەكەۋىنە دە ءتيىمدى ساياسي, ەكو­نوميكالىق باستامالاردىڭ بار­لىعىن قولداپ, قۋاتتاپ كەلەدى. ءاسى­­رەسە, سوڭعى جىلدارى بايلانىس نى­عايىپ كەلە جاتىر دەپ ايتا الا­­­­مىن. سول سەبەپتى, قا­زاقستان-ازەر­­­باي­­جان قاتى­ناستارىنىڭ بو­لا­شا­­عى­نا زور سەنىممەن قاراعان ءجون. ءبىز قازاقستان پرەزيدەنتى نۇرسۇلتان نازارباەۆتى تۇركى الەمىنىڭ اقساقالى دەپ بىلەمىز. قازاقستان باس­شى­لىعىنىڭ جۇرگىزىپ وتىرعان ساياساتىنا قاشان­دا قۇرمەتپەن قارايمىز. جالپى, ەكى ەل باس­شىلىعى حالىقارالىق ارەنادا ءبىر-ءبىرىنىڭ باستا­مالارىن ۇنەمى قولداپ كەلەدى. بولاشاقتا قازاق­ستان مەن ازەربايجاننىڭ ارىپتەستىك, دو­ستىق قاتىناستارى تەرەڭدەي تۇسەتىنىنە كامىل سەنەمىن. – اڭگىمەڭىزگە راحمەت. اڭگىمەلەسكەن ارنۇر اسقار, «ەگەمەن قازاقستان» سۋرەتتى تۇسىرگەن ورىنباي بالمۇرات, «ەگەمەن قازاقستان»