قازاقستان وففشورلىق ايماقتارمەن قارجى مالىمەتتەرىن اۆتوماتتى الماسىپ وتىرۋ تۋرالى كەلىسىمگە كەلۋى مۇمكىن. بۇل تۋرالى قر قارجى مينيسترلىگىنىڭ كەڭەيتىلگەن القا وتىرىسىندا مەملەكەتتىك كىرىستەر كوميتەتىنىڭ توراعاسى ارداق تەڭگەباەۆ مالىمدەدى.
«بيزنەستى كولەڭكەدەن شىعارۋ ماقساتىندا قۇزىرەتتى ورگاندارمەن قارجى ەسەپشوتتارى بويىنشا اۆتوماتتى اقپارات الماسۋ تۋرالى كوپجاقتى كەلىسسوزگە قوسىلۋ جۇمىستارى قولعا الىنۋدا. وسىناۋ كەلىسىمگە كىرە وتىرىپ قازاقستان قازاقستاندىقتاردىڭ شەتەلدە تاپقان تابىستارى تۋرالى مالىمەت الا الادى. اتالعان كەلىسىمگە وففشورلى ايماقتار دا كىرەدى", - دەدى تەڭگەباەۆ.
ەستەرىڭىزگە سالا كەتەيىك, 2017 جىلدىڭ قاڭتار ايىندا قازاقستان ەكونوميكالىق ىنتىماقتاستىق جانە دامۋ ۇيىمىنىڭ سالىقتىق بازانى جىمقىرۋ جانە تابىستى سىرتقا الىپ شىعۋعا قارسى كۇرەس جوباسىنا كىرگەن ەدى.
اتالعان جوبادا 15 قادام قاراستىرىلعان. ونىڭ ىشىندە ىشكى زاڭناماعا وزگەرىستەر ەنگىزۋ, باعانى بەلگىلەۋ مەن ترانسفەرت بويىنشا بىرلەسكەن جۇمىسقا ارنالعان حالىقارالىق كەلىسىمگە قوسىلۋ, حالىقارالىق سالىق ماسەلەسى مەن اقپارات الماسۋ قامتىلعان.