جاپونيادا ءوتىپ جاتقان VIII قىسقى ازيا ويىندارىندا قازاقستاندىق مانەرلەپ سىرعاناۋشى ەليزابەت تۇرسىنباەۆا قىسقا باعدارلامادا التىنشى ورىننان كورىندى.
بۇل سىندا 61.30 بالل جيناپ, ۇزدىك ناتيجە كورسەتكەن وڭتۇستىككورەيالىق دا بين چوي ءبىرىنشى ورىنعا يە بولسا, ەكىنشى ورىنعا جاپون سپورتشىسى ريكا حونگو (60.98) ورنالاستى. ءۇشىنشى – قىتايلىق تسزى كۋان چجاو (58.90). ال ەليزابەت تۇرسىنباەۆانىڭ ەنشىسىندە 53.16 بالل.
سونىمەن قاتار, قازاقستان اتىنان سىنعا تۇسكەن ايزا مامبەكوۆا 49.99 باللمەن سەگىزىنشى ورىنعا تۇراقتادى. ەندى سپورتشىلارىمىزدىڭ ەركىن باعدارلاماسى 25 اقپان كۇنى استانا ۋاقىتى بويىنشا 14:00-دە وتەدى.