2016 جىلى سولتۇستىك قازاقستان وبلىسىنىڭ ەكونوميكاسىنا 165,7 ملرد تەڭگە ينۆەستيتسيا تارتىلدى. بۇل تۋرالى ءوڭىر تۇرعىندارىنا ەسەپ بەرگەن سولتۇستىك قازاقستان وبلىسىنىڭ əكىمى ەرىك سۇلتانوۆ ءمالىم ەتتى, دەپ جازادى قازاقپارات.
«بىلتىر استانا قالاسىندا 33 ديپلوماتيالىق ميسسيانىڭ جەتەكشىلەرىمەن بيزنەسلانچ وتكىزدىك. وسى كەزدەسۋدىڭ ناتيجەسىندە ەستونيانىڭ, گەرمانيانىڭ, مالايزيانىڭ, شۆەتسيانىڭ, قىتايدىڭ, رەسەيدىڭ جانە باسقا دا ەلدەردىڭ ىسكەر توپتارىنىڭ وكىلدەرى وبلىسىمىزعا ىسساپارمەن كەلىپ, ىنتىماقتاستىقتىڭ مۇمكىن باعىتتارىن تالقىلادى. جەكەلەگەن باعىتتار بويىنشا قازىردىڭ وزىندە بىرلەسكەن جوبالار جۇزەگە اسىرىلۋدا. ينۆەستورلار ءۇشىن نەگىزگى قىزىعۋشىلىق اگروونەركاسىپتىك كەشەن مەن اۋىل شارۋاشىلىعى ماشينالارىن جاساۋ سالالارى بولىپ تابىلادى», - دەدى ول ەسەپ بەرۋ كەزدەسۋى بارىسىندا.
اكىمنىڭ ايتۋىنا قاراعاندا, وبلىس دەمەۋقارجى بەرۋ بويىنشا قول قويىلعان كەلىسىمدەر سانى جاعىنان رەسپۋبليكا وڭىرلەرى اراسىندا 1-ورىندا تۇر. «كاسىپكەرلەر بيزنەستەرىن دامىتۋ ءۇشىن مەملەكەتتىك قولداۋ تەتىكتەرىن بەلسەندى پايدالانۋدا.
«بيزنەستىڭ جول كارتاسى - 2020», «جۇمىسپەن قامتۋدىڭ جول كارتاسى - 2020», «اگروبيزنەس - 2020», «ونىمدىلىك - 2020», «ەكسپورتەر - 2020», تاعى باسقا سالالىق جانە ۇكىمەتتىك باعدارلامالار جۇزەگە اسىرىلۋدا», - دەپ اتاپ ءوتتى ە.سۇلتانوۆ.