وڭتۇستىك قازاقستان وبلىسىنداعى №4 جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ تۇركىستانداعى ارنايى الەۋمەتتىك قىزمەت كورسەتۋ ورتالىعىندا ازاماتتار توبىنىڭ تۋبەركۋلەز اۋرۋىنا شالدىعۋىنا بايلانىستى ارنايى ۆەدومستۆوارالىق كوميسسيا قۇرىلدى.
بۇل جونىندە تولىعىراق وقو ايماقتىق كوممۋنيكاتسيا قىزمەتىندە وتكەن بريفينگتە قر دەنساۋلىق ساقتاۋ ۆيتسە-ءمينيسترى تسوي الەكسەي, وبلىس اكىمىنىڭ ورىنباسارى ەربول سادىر, قر دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ قىزمەتى كوميتەتىنىڭ توراعاسى بەكشين جانداربەك ايتىپ ءوتتى.
سپيكەرلەردىڭ مالىمدەۋىنشە, 2017 جىلعى 22 اقپانىندا قر دەنساۋلىق ساقتاۋ ءمينيسترىنىڭ بۇيرىعىمەن ۆەدومستۆوارالىق كوميسسيا قۇرىلىپ, ونىڭ قاتارىنا ەڭبەك جانە الەۋمەتتىك قورعاۋ مينيسترلىگىنىڭ, دەنساۋلىق ساقتاۋ مينيسترلىگى مەن وڭتۇستىك قازاقستان وبلىسى اكىمشىلىگىنىڭ وكىلدەرى كىرگەن.
ۆەدومستۆوارالىق كوميسسيا ءتيىستى ەمدەۋ شارالارى, الەۋمەتتىك قىزمەت پاكەتى, ەمدەۋدىڭ ساپاسى, ينفەكتسيالىق باقىلاۋ تالاپتارىنىڭ قانشالىقتى ساقتالعانىن, وبلىستاعى باسقا مەديتسينالىق-الەۋمەتتىك مەكەمەلەردەگى ازاماتتاردى تەكسەرۋدەن وتكىزۋ قاجەتتىلىگىن انىقتاۋى ءتيىس. اتالعان كوميسسيا مۇشەلەرى بۇگىننەن باستاپ جۇمىسقا كىرىستى.
ءوز كەزەگىندە وبلىس اكىمىنىڭ ورىنباسارى ە.سادىر ينفەكتسيانىڭ ءارى قاراي تارالماۋىن قامتاماسىز ەتۋ ءۇشىن ناۋقاستار وقشاۋلاندىرىلىپ, ءتيىستى كەشەندى تەكسەرۋ مەن ەمدەۋ جانە كۇتىم شارالارىمەن قامتاماسىز ەتىلگەنىن جەتكىزدى.سونداي-اق, ول ورىن العان جاعداي وبلىس اكىمىنىڭ جانە ونىڭ ءبىرىنشى ورىنباسارىنىڭ توراعالىعىمەن ارنايى ماجىلىستە, وبلىستىق حالىق دەنساۋلىعىن قورعاۋ ماسەلەلەرى جونىندەگى ۇيلەستىرۋ كەڭەسىندە قارالىپ, ءتيىستى مەملەكەتتىك ورگاندارعا ەپيدەمياعا قارسى شارالاردى اتقارۋعا تاپسىرمالار بەرىلگەنىن. ال وبلىس اكىمىنىڭ وكىمىمەن وبلىستىق شتاب قۇرىلىپ, ءتيىستى ءىس-شارالار جۇرگىزىلىپ جاتقانىن ايتتى.
سونىمەن قاتار, ۆيتسە-مينيستر تسوي الەكسەي ەلىمىزدىڭ بارلىق وڭىرلەرىندەگى دەنساۋلىق ساقتاۋ باسقارمالارى تاراپىنان ايماقتارداعى مەديتسينالىق-الەۋمەتتىك مەكەمەلەردىڭ ەمدەلۋشىلەرىنە تەكسەرۋ شارالارى ۇيىمداستىرىلاتىنىن اتاپ ءوتتى.
بريفينگتە ءمالىم بولعانداي, اۋرۋعا توپتىق شالدىعۋ سەبەپتەرىن انىقتاۋ ءۇشىن 1 -11 اقپان ارالىعىندا دەنساۋلىق ساقتاۋ مينيسترلىگى, وقو دەنساۋلىق ساقتاۋ باسقارماسى, قوعامدىق دەنساۋلىق ساقتاۋ دەپارتامەنتىنىڭ مامانداندىرىلعان ۇيىمدارىنىڭ وكىلدەرىنىڭ قاتىسۋىمەن الدىن-الا تەكسەرۋ ۇيىمداستىرىلعان. ونىڭ قورىتىندىسى بويىنشا پاتسيەنتتەردىڭ فليۋروگرافيالىق تەكسەرۋمەن تولىق قامتىلماعانى, تۋبەركۋلەزدى انىقتاۋ جانە ەمدەۋ الگوريتمدەرى, دەزينفەكتسيالاۋ ءتارتىبى ساقتالماعانى, ت.ب. كەمشىلىكتەر انىقتالعان. بۇگىندە رەسپۋبليكادان ارنايى ماماندار شاقىرتىلىپ, ناۋقاستارعا ەمدەۋ بويىنشا جۇمىستار جۇرگىزىلۋدە.
وسى كەمشىلىكتەرگە جول بەرگەن قىزمەتكەرلەرگە قاتىستى قىزمەتتىك تەكسەرۋ تاعايىندالىپ, تەكسەرۋ قورىتىندىسىمەن ءتيىستى شارالار قابىلداناتىن بولادى.