ماجىلىسمەن تۇرعىن سىزدىقوۆ 24 تاۋار ءتۇرىنىڭ ەكى ەسەگە قىمباتتاعانىن ايتتى. دەپۋتات وسى ماسەلە بويىنشا پرەمەر-مينيستر باقىتجان ساعىنتاەۆ پەن باس پروكۋرور جاقىپ اسانوۆقا ساۋال قويدى, دەپ حابارلايدى Tengrinews.kz.
"حالىق الەمدىك ەكونوميكاداعى داعدارىسقا تۇسىنىستىكپەن قارايدى. بىراق نەگىزگى تاۋار ونىمدەرى مەن ءدارى-دارمەكتەردىڭ باعاسىنىڭ قىمباتتاۋى ادامداردى الاڭداتادى", - دەدى سىزدىقوۆ پارلامەنت ءماجىلىسىنىڭ پلەنارلىق وتىرىسى بارىسىندا. ونىڭ ايتۋىنشا, قاراقۇمىق, كارتوپ, قانت, جۇمىرتۇا, تۇز, پياز, قيار جانە قىزاناق ونىمدەرىنىڭ باعاسى قىمباتتاعان.
وسىعان بايلانىستى سىزدىقوۆ قۇقىق قورعاۋ ورگاندارىمەن بىرىگە وتىرىپ, ازىق-ت ۇلىك ونىمدەرىنىڭ باعاسىنا اسەر ەتىپ جاتقان دەلداردىڭ كوزىن جويۋ ماقساتىندا كەشەندى شارالاردى قولدانۋدى ۇسىندى. "اتقارۋشى ورگاندارعا الەۋمەتتىك دۇكەندەردەگى, ساۋدا بولىمدەرىندەگى, كوممۋنالدىق نارىقتاعى باعانى رەتتەۋدى, جەتكىزىلەتىن تاۋاردىڭ ساپاسى مەن سانىن تەكسەرۋدى مىندەتتەۋ كەرەك. وتاندىق ونىمدەردى بازارداعى ساۋدا ورىندارىنا تىكەلەي جەتكىزۋ ماسەلەسىن قاراستىرۋ كەرەك", - دەدى دەپۋتات.
ەسكە سالا كەتەيىك, وسىعان دەيىن ۇكىمەتتەگىلەر ازىق-ت ۇلىك باعاسىنىڭ قىمباتتاۋ سەبەبىن تۇسىندىرگەن بولاتىن. "ماۋسىمدىق اۋىتقۋدىڭ اسەرى. جىل سايىن تاۋاردىڭ جەكەلەگەن تۇرلەرى بويىنشا قويماداعى قوردىڭ ازايۋىنا بايلانىستى ولاردىڭ باعاسى قۇبىلىپ تۇرادى. بۇل ەڭ الدىمەن كوكونىستەر: كارتوپ, ءسابىز, پياز, قىرىققابات, قىزىلشا. باعا, ادەتتە, مامىر-تامىز ايلارىندا كوتەرىلەدى. تورتىنشىدەن, ەكسپورتتىق جەتكىزۋدىڭ اسەرى. ەۋرازيالىق ەكونوميكالىق وداق اياسىندا, رەسەي مەن قىرعىزستاننىڭ شەكارا ماڭىنداعى باعالاردىڭ وسكەن جاعدايدا ىشكى نارىقتاعى تاۋارلار قۇنى دا كوتەرىلەدى. بۇگىنگى تاڭدا جوعارىدا اتالعان فاكتورلار باعانىڭ وسۋىنە اسەر ەتتى, جىل سوڭىنا دەيىن ايتارلىقتاي ءوسىم بولمايدى دەپ كۇتىلۋدە", - دەگەن ەدى قۋاندىق بيشىمباەۆ.