قازاقستان پرەزيدەنتى نۇرسۇلتان نازارباەۆ بولاشاقتا قازاقستاندىقتاردىڭ الەمدىك دەڭگەيدەگى جوعارى بىلىكتى مامان بولۋى كەرەكتىگىن ايتتى. ەلباسىنىڭ ايتۋىنشا, كەلەر ۇرپاق الدىڭعى قاتارلى عىلىم مەن تەحنولوگيانى يگەرۋى ءتيىس. بۇل تۋرالى ول قر ۇلتتىق عىلىم اكادەمياسىنىڭ پلەنارلى وتىرىسىنىڭ سالتاناتتى سەسسياسىندا مالىمدەدى.
«توميريس پەن شىڭعىس حاندى قازاققا تەلي بەرەتىندەي بىزدە باسقا ەشتەڭە جوق پا؟ العا قادام باسۋدىڭ ورنىنا ارتقا بۇرىلا بەرەمىز بە؟ العا قارايتىن ۋاقىت جەتتى. بىردە توني بلەر وزدەرىنىڭ پارلامەنتىندە بىلاي دەگەن: " ۇلىبريتانيانىڭ تاريحي باي. بىراق ءبىز مۋزەيدە ءومىر سۇرمەيمىز. ادامداردى كومپيۋتەردىڭ الدىنا وتىرعىزۋ كەرەك". ءبىز دە ويلانۋىمىز كەرەك. سىزدەردىڭ سوزدەرىڭىزدىڭ سالماعى بولۋى كەرەك. الداعى ۋاقىتتا قازاقتار قانداي بولۋى كەرەك. ءبىز اعا بۋىن وكىلدەرىمىز. ءبىز تاۋەلسىزدىككە قول جەتكىزدىك. ۇلى دالادا قۋاتتى مەملەكەت قۇردىق", - دەدى ەلباسى.
پرەزيدەنت ينتەللەكتۋالدى ۇرپاق تاربيەلەۋ كەرەكتىگىن ايتتى. ولار وتكەننىڭ قۇندىلىعىن باعالاپ, بولاشاققا قادام جاساۋى كەرەك.
«قازىردەن باستاپ وسىنداي تولقىن تاربيەلەۋ كەرەك. ولار جاھاندىق دەڭگەيدە الدىڭعى قاتارلى مامان بولۋى كەرەك. ول ءۇشىن انا تىلمەن قوسا اعىلشىنشانى دا مەڭگەرۋ كەرەك. سول كەزدە عانا قازاقتار الەمدە باسەكەگە تۇسە الادى", - دەدى ەلباسى.