جانارماي ءوندىرىسى بيىل 1,5 ميليوننان 2,9 ملن تونناعا جەتتى, دەپ مالىمدەدى بۇگىن وكق-داعى ءباسپاسوز ءماسليحاتىندا ەنەرگەتيكا ۆيتسە-ءمينيسترى اسەت ماعاۋوۆ.
«ءبىز قازاقستانداعى مۇناي ونىمدەرىن بەلسەندى قولدانۋدىڭ كورسەتكىشىنە يە بولىپ وتىرمىز. 2001 جىلى 1,5 ملن اۆتوموبيل تىركەلگەن بولاتىن, 2016 جىلى ولاردىڭ سانى 3,9 ملن-عا جەتتى. سايكەسىنشە, بەنزيندى قولدانۋ 2001 جىلمەن سالىستىرعاندا 2,5 ەسەگە كوبەيدى», – دەدى اسەت ماعاۋوۆ.
ۆيتسە-ءمينيستردىڭ ايتۋىنشا, جانارماي تۇتىنۋ كولەمىنىڭ كوبەيۋى كولىك سانىنىڭ ارتۋىنا بايلانىستى.
قازىرگى تاڭدا قازاقستانداعى جەڭىل كولىكتەردىڭ باسىم بولىگى اي-92 ماركالى جانارمايدى تۇتىناتىن كورىنەدى.
«تەحنيكالىق پاسپورت پەن ەكولوگيالىق تارتىپتەر نەگىزىندە بارلىعى 92 جانارمايىن تۇتىنۋ كەرەك. اي 80 – ورگانيكالىق نارىق – بۇل وتە ەسكى اۆتوموبيلدەر مەن جەكە كولىكتەرگە باعىتتالعان», - دەدى ۆيتسە-مينيستر.