اقش پرەزيدەنتى دونالد ترامپ پالەستينا-يزرايل قاقتىعىسىنا قاتىستى امەريكانىڭ بىرنەشە جىلدىق "ەكى حالىققا ەكى مەملەكەت قۇرۋ" پوزيتسياسىن وزگەرتپەكشى, دەپ جازادى BBC.
يزرايل پرەمەر-ءمينيسترى بينيامين نەتانياحۋمەن بىرلەسكەن ءباسپاسوز ءماسليحاتىندا ترامپ ەكى ەل اراسىندا " ۇلى بەيبىتشىلىك" ورناتاتىنىن, ول ءۇشىن ەكى ەلدىڭ تاتۋلاسۋى كەرەكتىگىن مالىمدەدى.
پالەستينا مەن يزرايل اراسىنداعى بەيبىت كەلىسىمدەر 2014 جىلى توقىراپ قالعان ەدى.
سونىمەن قاتار, ترامپ يزرايلدىك ارىپتەسىنەن جاڭا اۋىلدار سالۋ جۇمىستارىن ءسال كىدىرتە تۇرۋدى سۇرادى.
ترامپتىڭ ۇلىقتاۋ راسىمىنەن كەيىن ءيزرايلدىڭ باتىس جاعالاۋىندا بىرنەشە مىڭ تۇرعىن ءۇي قۇرىلىسىن سالۋ جوباسى ماقۇلدانعان ەدى. ساراپشىلاردىڭ ايتۋىنشا, ترامپ بيلىگى كەزىندە تاياۋ شىعىستاعى داعدارىسقا قاتىستى اقش بارىنشا جۇمساق ساياسات ۇستانادى.