ەلورداداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى الەۋمەتتىك عىلىمدار فاكۋلتەتىنىڭ بازاسىندا «قاھارمان ۇرپاق» قوعامدىق قورىنىڭ ۇيىمداستىرۋىمەن ارداگەرلەر ۇيىمدارىنىڭ وكىلدەرى كەزدەسىپ, ەلباسى نۇرسۇلتان نازارباەۆتىڭ قازاقستان حالقىنا ارناعان جولداۋىنىڭ نەگىزگى باسىمدىقتارىن تالقىلادى.
كەزدەسۋ بارىسىندا مەملەكەت باسشىسىنىڭ جولداۋىندا الەمدەگى سوڭعى جاھاندىق سىن-قاتەرلەر ەسكەرىلە وتىرىپ, ەلىمىزدىڭ ۇلتتىق دامۋىنداعى ەكونوميكالىق جانە ساياسي جاعدايداعى بارلىق اسپەكتىلەر قامتىلعانى اتاپ ءوتىلدى.
سونىمەن قاتار, جيىندا مەملەكەتتىك باعدارلامالاردا قاۋىپسىزدىكتى قامتاماسىز ەتۋ, ەكونوميكالىق ساياساتتى ودان ءارى جەتىلدىرۋ, الەۋمەتتىك ارىپتەستىك پەن ادامي كاپيتالدىڭ ساپاسىن جاقسارتۋ, ەڭبەك نارىقتارىن جاڭعىرتۋ, ءاربىر سەكتوردىڭ جاۋاپكەرشىلىگىن ارتتىرۋ ءجونىندەگى دامۋ باعىتتارى مەن ستراتەگياسى انىقتالاتىنى, وسى رەتتە پرەزيدەنت جولداۋى بۇرىن قابىلدانىپ, بۇگىندە جۇزەگە اسىرىلىپ جاتقان ماڭىزدى ستراتەگيالىق قۇجاتتاردىڭ, «نۇرلى جول» مەملەكەتتىك باعدارلاماسى مەن «100 ناقتى قادام» ۇلت جوسپارى اياسىندا قولعا الىنعان شارالاردىڭ ءساتتى جالعاسۋىنا تىڭ سەرپىن بەرەتىنى ايتىلدى.
بۇدان بولەك, شارا بارىسىندا ءسوز سويلەگەندەر ءبىلىم بەرۋ ماسەلەلەرى, ارداگەرلەردى الەۋمەتتىك قولداۋ, جاستار جانە جاستارعا پاتريوتتىق تاربيە بەرۋ ءىسى تۋرالى دا اڭگىمە قوزعادى.
كەزدەسۋگە «ارداگەرلەر ۇيىمى» رقب ورتالىق كەڭەسىنىڭ, وزگە دە ۇكىمەتتىك ەمەس ۇيىمدار مەن قوعامدىق قورلاردىڭ وكىلدەرى, ل.ن.گۋميلەۆ اتىنداعى ەۇۋ-ءدىڭ پروفەسسور-وقىتۋشىلارى مەن ستۋدەنتتەرى قاتىستى.
ءىس-شارا سوڭىندا ارداگەرلەر مەن ستۋدەنتتەر اۋعانستاننان كەڭەس وداعى اسكەرلەرىنىڭ شىعارىلعانىنا 28 جىل تولۋىنا وراي تاقىرىپتىق وتىرىس وتكىزىپ, وتانعا دەگەن سۇيىسپەنشىلىك, وتباسىلىق قۇندىلىق, ءبىلىم مەن تاربيە جونىندە پىكىر الماستى.
جولدىباي بازار, «ەگەمەن قازاقستان»
استانا