اسا قۇرمەتتى نۇرسۇلتان ءابىش ۇلى!
“KAZENERGY” اسسوتسياتسياسى مۇشەلەرىنىڭ قازاقستان رەسپۋبليكاسى پرەزيدەنتىن سايلاۋداعى ەرەكشە جەڭىسىڭىزگە وراي شىن جۇرەكتى قۇتتىقتاۋىن قابىل الىڭىز.
كوپتەگەن قازاقستاندىقتار سياقتى ءبىزدىڭ مۇناي-گاز جانە ەنەرگەتيكا سالاسى قىزمەتكەرلەرى مەن ينۆەستورلارى قاۋىمداستىعى ءسىزدىڭ كوپ جىلعى كۇش-جىگەرىڭىز بەن بولاشاق جوسپارلارىڭىزعا قىزۋ قولداۋ كورسەتەتىنىن راستادى.
ءسىزدىڭ تەرەڭ ويلاستىرىلعان يدەيالارىڭىز بەن كورەگەن ءىس-قيمىلدارىڭىز ىسكەرلىك باستامانى دامىتۋ, حالىقارالىق جانە جەكە ينۆەستيتسيالاردى تارتۋ, بۇكىل ەل مەن ونىڭ ەنەرگەتيكالىق كەشەنىنىڭ سەنىمدى العا باسۋى ءۇشىن قازاقستاننىڭ تابيعي بايلىقتارىن قازىرگى زامانعى تەحنولوگيالارمەن بايلانىستىرعان الىپ جوبالاردىڭ دۇنيەگە كەلۋىنە قولايلى جاعدايلار جاساۋدى قامتاماسىز ەتتى.
تاۋەلسىزدىك جىلدارى ىشىندە تەك مۇناي-گاز سالاسىنا سالىنعان قارجىنىڭ ءوزى قازاقستاندى تمد مەملەكەتتەرى اراسىندا ينۆەستيتسيالىق كوشباسشى جاساي وتىرىپ, ونداعان ميلليارد دوللاردى قۇرادى. وسى ۋاقىتتار ىشىندە ەلدەگى مۇناي مەن گاز ءوندىرىسى 4 ەسە ءوستى, قازاقستاننىڭ حالىقارالىق مۇناي رىنوگىنداعى ۇلەسى ەكى ەسە ارتتى. اتوم ونەركاسىبى مەن ەنەرگەتيكانىڭ وزگە دە سەكتورلارى ىرعاقتى دامۋدا. ءبىزدىڭ ەلىمىز جاھاندىق دامۋ ءۇشىن ەڭ باستى ەنەرگيا كوزدەرىن جەتكىزىپ بەرۋشىگە اينالدى, جانە بۇل فاكتور الەمدە ءادىل تۇردە ءسىزدىڭ ەسىمىڭىزبەن بايلانىستىرىلادى.
ءسىزدىڭ قازىرگى جەڭىسىڭىز سول كەزەڭدەردە يندۋستريالىق-يننوۆاتسيالىق دامۋ قازاقستاننىڭ الەمدەگى باسەكەگە ەڭ قابىلەتتى ەلدەردىڭ قاتارىنا كىرۋگە جاعداي جاسايتىن ونجىلدىقتىڭ سيمۆولدىق باستالۋىن, ساپالى جاڭا احۋالدى بەينەلەيدى.
حالىق ءسىزدىڭ قازاقستاندى بيزنەسى ۇلت الدىندا جاۋاپكەرشىلىكتە بولاتىن, ىسكەر, ءال-اۋقاتتى جانە ءبىلىمدى ازاماتتارى بار قۋاتتى جوعارى تەحنولوگيالىق دەرجاۆاعا اينالدىرۋ جونىندەگى جوسپارىڭىزعا قولداۋ كورسەتەتىنىن مالىمدەدى. ءبىزدىڭ اسسوتسياتسيا, بۇكىل ەنەرگەتيكالىق جانە ينۆەستيتسيالىق قاۋىمداستىق ءسىزدىڭ ساياساتىڭىزدان جاڭعىرۋ مەن دامۋدىڭ ىرگەلى مۇمكىندىكتەرىن كورەدى.
ءبىز قازاقستاندىقتاردىڭ بۇگىنگى تاڭداۋىنىڭ حالىقتىڭ ءسىزدىڭ قاجىرلى ەڭبەگىڭىزگە ىزگى نيەتتى جاۋابى, ءسىزدىڭ ودان ءارى العا باسۋعا شاقىرۋىڭىزعا سانالى ۇنقاتۋ ەكەنىنە سەنىمدىمىز.
ءسىزدىڭ جەڭىسىڭىز – بۇكىل قازاقستاننىڭ جەڭىسى!
قۇرمەتپەن,
“KAZENERGY” اسسوتسياتسياسىنىڭ پرەزيدەنتى
تيمۋر ق ۇلىباەۆ.