ەل ومىرىندەگى اسا ماڭىزدى وقيعانىڭ ءبىرى – كەزەكتەن تىس پرەزيدەنت سايلاۋى كۇنى مۇنايشىلار قاۋىمى دا بەلسەندىلىكپەن داۋىس بەردى. قازاقتىڭ «قارا التىنىن» بارلاپ, وندىرۋمەن اينالىساتىن وتاندىق وپەراتور – «قازمۇنايگاز» بارلاۋ ءوندىرۋ» اق-قا قاراستى «وزەنمۇنايگاز» جانە «ەمبىمۇنايگاز» وندىرىستىك فيليالدارىنىڭ جۇمىسكەرلەرى بولاشاققا تاڭداۋ جاسادى.
ءجۇز مىڭنان استام تۇرعىنى بار جاڭاوزەن قالاسىندا 27 سايلاۋ ۋچاسكەسى سايلاۋشىلارعا ەسىگىن ايقارا اشتى. شىن مانىندە مۇنايشىلار قالاسىنا اينالعان شاعىن عانا قالادا داۋىس بەرۋ ۇدەرىسى اسا ۇيىمشىلدىقپەن ءوتتى. قالانىڭ تىنىس-تىرشىلىگى تىكەلەي مۇناي وندىرىسىمەن بايلانىستى بولعاندىقتان, ولاردىڭ كوپشىلىگى تاڭ سارىدەن داۋىس بەردى. ال سايلاۋ ۋچاسكەلەرى اشىلماي جاتىپ, ۆاحتاعا كەتكەن مۇنايشىلار ءۇشىن تۇسكى ءۇزىلىس كەزىندە كولىك تاسىمالدارى ۇيىمداستىرىلدى. «قازمۇنايگاز» بارلاۋ ءوندىرۋ» اق بۇگىنگى تاڭدا قازاقستاننىڭ ءارتۇرلى ايماقتارىندا جۇمىس ىستەپ جاتىر. ايتار بولساق, ماڭعىستاۋ, اتىراۋ, قىزىلوردا جانە باتىس قازاقستان وبلىستارىندا اكتيۆتەرى بار. سوندىقتان دا كاسىپورىن باسشىلارى جۇمىس ۋاقىتىنىڭ كوپ بولىگىن استاناداعى كەڭسەدە ەمەس, وندىرىستىك نىسانداردا وتكىزەدى. جۇمىس ساپارىمەن «وزەنمۇنايگاز» وندىرىستىك فيليالىنا كەلگەن «قازمۇنايگاز» بارلاۋ ءوندىرۋ» اق باس ديرەكتورىنىڭ ءبىرىنشى ورىنباسارى – اقتاۋ قالاسىنداعى جەدەل باسقارۋ توبىنىڭ جەتەكشىسى ۆلاديمير ميروشنيكوۆ, قىزمەتكەرلەر جانە الەۋمەتتىك ساياسات جونىندەگى باسقارۋشى ديرەكتور تاراس حيتۋوۆ تا جاڭاوزەن قالاسىندا داۋىس بەردى.
– بۇگىنگى كۇن – ءبىزدىڭ ەلىمىز ءۇشىن وتە ماڭىزدى كۇن. مەن ءبۇگىن ەلىمىزدەگى تۇراقتىلىقتى جاقتاپ, الداعى 20-30 جىل ىشىندە قازاقستاننىڭ قارقىندى دامۋى ءجونىندەگى جوسپارلاردى جانە رەفورمالاردىڭ جالعاسۋىن قولداپ داۋىس بەردىم. مەن تەك قانا جاڭاوزەن مۇنايشىلارى عانا ەمەس, سونىمەن قاتار ەلىمىزدىڭ تۇرعىندارىنىڭ باسىم كوپشىلىگى وسىنداي تاڭداۋ جاسايتىنىنا سەنىمىم مول, – دەدى قىزمەتكەرلەر جانە الەۋمەتتىك ساياسات جونىندەگى باسقارۋشى ديرەكتور تاراس حيتۋوۆ.
ال قازاق مۇنايىنىڭ قارا شاڭىراعى اتىراۋ وبلىسىندا دا داۋىس بەرۋ جاقسى دايىندىقپەن وتكىزىلدى. «ەمبىمۇنايگاز» ءوندىرىستىك فيليالىندا سايلاۋ كۇنى 1400-دەي مۇنايشى ۆاحتادا بولدى. ولار ءۇشىن ارنايى ۇيىمداستىرىلعان رەيستەردىڭ ارقاسىندا مۇنايشىلاردىڭ بارلىعى تۇسكى ساعات 14.00-گە دەيىن ءبىر كىسىدەي داۋىس بەرۋگە قاتىستى.
زارينا امراەۆا.
«وزەنمۇنايگاز» ءوف جاس مۇنايشىسى قۋاندىق وسەروۆ العاش رەت داۋىس بەردى.