قازاقستان رەسپۋبليكاسى ۇلتتىق بانكىنىڭ رەسمي حابارى

الماتى                       2011 جىلعى  5 ءساۋىر «اۋىر اتلەتيكا. وليمپيادا ويىندارى 2012» ەسكەرتكىش مونەتاسىن اينالىسقا شىعارۋ تۋرالى «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ № 2155  زا­ڭىنا سايكەس قازاقستان رەسپۋبليكاسىنىڭ ۇلتتىق بانكى  2011 جىلعى  5 ساۋىردە «pro­of» ساپاسىمەن نومينالى 100 تەڭگەلىك «اۋ­ىر اتلەتيكا. وليمپيادا ويىندارى 2012» ەسكەرتكىش كۇمىس مونەتاسىن اينا­لىس­قا شىعارادى. مونەتانىڭ سيپاتتاماسى: مونەتانىڭ بەت جاعىندا (اۆەرسىندە) تومەنگى بولىگىندە قازاقستان رەسپۋبلي­كا­سى­نىڭ ەلتاڭباسى ستيلدەندىرىلگەن ستاديون سۋرەتىمەن قورشاي  بەينەلەنگەن, مونەتا دايىندالعان مەتالدى, ونىڭ سىنامىن جانە ماسساسىن بىلدىرەتىن «Ag 925 31,1g.» دەگەن جازۋ جانە سوعىلعان جىلىن بىلدىرەتىن «2010» دەگەن سان.  سول جاق بولىگىندە ەكى جولعا ورنالاسقان جانە مونەتانىڭ نو­مي­نالىن بىلدىرەتىن «100 تەڭگە» دەگەن جا­زۋ بار. جوعارى بولىگىندە قازاقستان رەس­پۋبليكاسى ۇلتتىق بانكىنىڭ لوگوتيپى ور­نا­لاسقان. اينالدىرا مەملەكەتتىك تىلدە «قا­زاقستان ۇلتتىق بانكى» دەگەن جازۋ. مونەتانىڭ سىرت جاعىندا (رەۆەرسىندە) ورتالىق بولىكتە اۋىر اتلەتيكا بويىنشا سايىس ۇستىندەگى شتانگا كوتەرۋشى بەينەلەنگەن. سول جاق بولىگىندە وليمپيادا وي­ىن­دارى وتكىزىلەتىن جىلدى بىلدىرەتىن  «2012» سانى جازىلعان. اينالدىرا اعىل­شىن تىلىندە «OLYMPIC GAMES» دەگەن جازۋ جازىلعان. مونەتانىڭ بەت جاعىنداعى جانە سىرت جاعىنداعى بەينەلەر مەن جازبالار بەدەرلەنگەن. قىرى (گۋرتى) بەدەرلى. مونەتا  925 سىنامدى كۇمىستەن دايىن­دال­عان, ماسساسى – 31,1 گرامم, ديامەترى – 38,61 مم, دايىندالۋ ساپاسى – «proof», ەڭ كوپ تارالىمى  - 12 مىڭ دانا. نومينالى 100 تەڭگەلىك ەسكەرتكىش كۇمىس مونەتالار قازاقستان رەسپۋبليكاسىنىڭ ءبۇ­كىل اۋماعىندا كورسەتىلگەن قۇنىمەن ءتو­لەم­نىڭ بارلىق تۇرلەرى بويىنشا, سونداي-اق شوتتارعا, سالىمدارعا, اككرەديتيۆتەرگە ەسەپتەۋ جانە اۋدارىم جاساۋ ءۇشىن قا­بىل­دانۋعا مىندەتتى, قازاقستان رەسپۋبلي­كا­سى­نىڭ بارلىق بانكتەرىندە شەكتەۋسىز ۇساق­تالا­دى جانە ايىرباستالادى. قازاقستان رەسپۋبليكاسى ۇلتتىق بانكىنىڭ وسى رەسمي حابارعا تۇسىنىكتەمەسى «اۋىر اتلەتيكا. وليمپيادا ويىندارى 2012»  ەسكەرتكىش كۇمىس مونەتاسى قازاق­ستان رەسپۋبليكاسىنىڭ ۇلتتىق بانكى, MDM MUNZHANDELSGESELLSCHAFT MbH DEUTSCنE MUNZE كومپانياسى جانە «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋا­شى­لىق جۇرگىزۋ قۇقىعى بار رەسپۋبلي­كا­لىق مەملەكەتتىك كاسىپورنى اراسىنداعى مونەتالار شىعارۋعا جانە ساتۋعا ارنال­عان كەلىسىمگە سايكەس دايىندالدى. وسى كەلىسىم بويىنشا: - MDM MUNZHANDELSGE­SELLS­CHAFT MbH DEUTSCنE MUNZE كومپا­نياسى قازاقستاننان تىس جەرلەردە ودان ءارى تاراتۋ نەمەسە ساتۋ ءۇشىن ۇلتتىق بانكتەن ءتيىستى مونەتالاردى ساتىپ الادى; - قازاقستان تەڭگە سارايى مونەتالاردى دايىندايدى جانە ولاردى جەتكىزەدى; - دايىندالعان مونەتالاردىڭ ءبىر ءبولى­گىن (3000 دانا) كوللەكتسيالىق قۇنى بوي­ىن­شا قازاقستاننىڭ ىشكى نارىعىندا ساتۋ ءۇشىن ۇلتتىق بانك رەزەرۆتەيدى. مونەتا 2012 جىلعى وليمپيادا ويىن­دارىنا ارنالعان, سپورتتى دارىپتەيدى جانە ۇلتتىق ۆاليۋتانى شەتەلگە تانىستىرادى. ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقى­عى بار رەسپۋبليكالىق مەملەكەتتىك كاسىپ­ورنى دايىنداعان. مونەتالاردىڭ ديزاينى قازاقستان رەس­پۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاي­نى­نىڭ تۇجىرىمداماسىنا سايكەس ازىرلەنگەن. «Proof» ساپاسىمەن جاسالعان ەسكەرتكىش كۇمىس مونەتالار كوللەكتسيالىق قۇنى بوي­ىن­شا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەس­پۋبليكاسى ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان. مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا, الماتى قالاسىندا مىنا مەكەن-جاي بوي­ىن­شا  ساتىپ الۋعا بولادى: پانفيلوۆ كو­شە­سى, 98. انىقتاما ءۇشىن تەلەفونى (727) 273-83-98.