عالامتورداعى قولجەتىمدى بارلىق دەرەكتەر, قازاقستانداعى جۇمىس ىزدەۋشىلەر مەن بوس جۇمىس ورىندارى تۋرالى enbek.kz پورتالىندا بىرىكتىرىلەدى. بۇل تۋرالى «ەڭبەك رەسۋرستارىن دامىتۋ ورتالىعى» اق-نىڭ پرەزيدەنتى داۋلەت ارعىندىقوۆ ءمالىم ەتتى, دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى.
«ەnbek.kz» پورتالى ارقىلى بوس ورىندار تۋرالى اقپاراتتى جەتكىزۋ ءۇشىن جۇمىسپەن قامتۋ زاڭناماسىنا وزگەرىستەر ەنگىزۋ قاراستىرىلعان. بۇل تولىعىمەن قاعازباستىلىقتى جويىپ, بيزنەس جۇمىسىن جەڭىلدەتۋگە مۇمكىندىك بەرەدى. پورتال جۇمىسپەن قامتۋ ورتالىقتارى مەن جەكە اگەنتتىكتەردىڭ قولجەتىمدى لاۋازىمدارعا ماماندار تابۋىنا ءوز ىقپالىن تيگىزەدى. ءبىز قازىردىڭ وزىندە پورتالدىڭ عالامتور كەڭىستىگىندە ىزدەۋشىلەر مەن ىزدەنۋشىلەر جايلى مالىمەتتەردىڭ بارلىعىن ءبىر جەرگە توپتاستىرعالى جاتىرمىز», – دەدى داۋلەت ارعىندىقوۆ.
مينيسترلىكتىڭ ءباسپاسوز قىزمەتى حابارلاعانداي, «جۇمىس. بوس ورىندار» تەماتيكاسى بويىنشا, Zero.kz ينتەرنەت-ستاتيستيكا سەرۆيسىنىڭ قازاقستاندىق رەيتينگىنىڭ دەرەكتەرىنە جۇگىنسەك, enbek.kz پورتالى قازاقستان بويىنشا ءبىرىنشى ورىندا.