"سنپس-اقتوبەمۇنايگاز" اق باس ديرەكتورى ۆان تسزيۋنجەن وبلىس اكىمى بەردىبەك ساپارباەۆتىڭ توراعالىعىمەن وتكەن جينالىستا كاسىپورىن قىزمەتىنىڭ نەگىزگى قورىتىندىلارىمەن تانىستىردى, سونىمەن بىرگە 2016 جىلى كومپانيا الدىندا كوپتەگەن قيىندىقتار تۋىنداعانىن دا اتاپ كورسەتتى, دەپ حابارلادى وبلىس اكىمدىگىنىڭ ءباسپاسوز قىزمەتى.
«مۇناي باعاسى بارىنشا تومەندەدى, ەسكى كەن ورىندارى بويىنشا ءونىم ءوندىرۋدىڭ تابيعي تاۋسىلۋى بايقالدى. وبلىس اكىمدىگى مەن مەملەكەتتىك ورگانداردىڭ جان-جاقتى قولداۋى ناتيجەسىندە ءبىز قيىندىقتارعا قارسى تۇرىپ, ءونىم ءوندىرۋ بويىنشا بارلىق كورسەتكىشتەردى ارتىعىمەن ورىنداۋعا قول جەتكىزدىك», - دەدى ول.
"2016 جىلى 4 ملن 121 مىڭ توننا مۇناي, 5 ميلليارد 759 مىڭ تەكشە مەتر گاز ءوندىرىلدى. قازاقستاندىق مۇناي وڭدەۋ زاۋىتتارىنا وتكىزىلەتىن شيكىزاتتىڭ جالپى كولەمىنىڭ 50 پايىزى بەرىلدى, ىشكى نارىققا 470 مىڭ توننادان استام سۇيىتىلعان گاز شىعارىلدى. تۇتاستاي العاندا گاز وتكىزۋ كولەمى 5 ميلليارد قۇرادى, وسىلايشا ءبىز كومپانيانىڭ تاريحىندا رەكوردتىق كورسەتكىشكە قول جەتكىزدىك", - دەپ حابارلادى ۆان تسزيۋنجەن.
باس ديرەكتور سونداي-اق اق وزدەرىنە قابىلداعان بارلىق مىندەتتەمەلەرىن ورىنداعانىن اتاپ كورسەتتى: ىشكى نارىققا 30 ميلليارد تەڭگەنىڭ مۇنايىن, سۇيىتىلعان گازىن جانە تابيعي گازىن وتكىزىپ, سالىققا 83,5 ميلليارد تەڭگە اۋدارىلعان. جۇمىسشىلاردى تەگىن تاماقتاندىرۋعا 769 ميلليون تەڭگە ءبولىنىپ, ءبىر جۇمىسشىعا بەرىلەتىن الەۋمەتتىك پاكەت 231 مىڭ تەڭگە قۇراعان.