بىلتىر ەلوردادا جەر ۋچاسكەلەرىنىڭ جالعا الۋ قۇقىعىن ساتۋ بويىنشا 13 اۋكتسيون ۇيىمداستىرىلعان. بۇل تۋرالى قالالىق جەر قاتىناستارى جانە جەردىڭ پايدالانىلۋى مەن قورعالۋىن باقىلاۋ باسقارماسىنىڭ 2016 جىلعى جۇمىس قورىتىندىسىندا كەلتىرىلگەن, دەپ حابارلايدى اكىمدىكتىڭ سايتى.
2012 جىلدان باستاپ بۇگىنگىگە دەيىن قالا اۋماعىندا جالپى اۋماعى 16 مىڭ گا بولاتىن 1 084 پايدالانىلمايتىن جەر انىقتالعان. ولاردىڭ ىشىنەن قابىلدانعان شارالاردىڭ ناتيجەلەرى بويىنشا اۋدانى 6 مىڭ گا جەردەگى 269 ۋچاسكە مەملەكەتكە قايتارىلعان.
سونداي-اق اۋدانى 2,6 مىڭ گا جەردەگى 277 ۋچاسكە بويىنشا مەنشىك يەلەرى مەن جەر پايدالانۋشىلار ۋچاسكەلەرىن يگەرۋگە كىرىستى. ال, قالعان 7,4 مىڭ گا بولاتىن 538 ۋچاسكە بويىنشا قر باس پروكۋراتۋراسىمەن بىرگە قولدانىلماعان جەرلەردى الىپ قويۋدى جۇزەگە اسىرۋ جونىندەگى جول كارتاسى ازىرلەنگەن.
«وتكەن جىلى 114 جەر ۋچاسكەسىنىڭ جالعا الۋ قۇقىعىن ساتۋ بويىنشا 13 اۋكتسيون ۇيىمداستىرىلدى جانە وتكىزىلدى, ونىڭ ىشىندە, 74 ۋچاسكە بويىنشا كەلىسىم-شارت جانە اقىسىن تولىق تولەۋ جاسالدى», - دەلىنگەن حابارلامادا.
وتكىزىلگەن اۋكتسيونداردان 2016 جىلى جالپى ناقتى ءتۇسىم 615,1 ملن تەڭگە, ودان ءارى, ساتىلعان جەر ۋچاسكەلەرى بويىنشا بيۋدجەتكە بولجامدى تۇسىمدەر - 12,8 ملن تەڭگە.