«قايرات» كومانداسىنىڭ جارتىلاي قورعاۋشىسى گەرسون اسەۆەدو جاقىن ارادا سەربيانىڭ «تسرۆەنا زۆەزدا» كومانداسىنىڭ ساپىنا قوسىلادى, دەپ حابارلادى vesti.kz. MozzartSport پورتالىنىڭ مالىمەتى بويىنشا چيليلىك فۋتبولشى «قايرات» كلۋبىمەن كەلىسىشارتىن بۇزعان. سول سەبەپتى, «تسرۆەنا زۆەزداعا» گەرسون اسەۆەدو تەگىن اۋىسادى. سەربيالىق كوماندانىڭ باسشىلىعى بۇل ترانسفەر جايلى اقپاراتتى قاتاڭ تۇردە قۇپيا ۇستاعاندى ءجون كورىپتى. دەگەنمەن, بۇگىن اسەۆەدونىڭ سەربيا چەمپيوناتىندا ونەر كورسەتەتىنى بەلگىلى بولدى. ايتا كەتەيىك, 28 جاستاعى چيليلىك ويىنشى 2006 جىلى كاسىبي مانسابىن باستاعان. 2006-2009 جىلدار ارالىعىندا ءوز ەلىندە ويناعان. 2010 جىلى رەسەي چەمپيوناتىنا اۋىسىپ, «ۋرال» جانە «موردوۆيا» كوماندالارىنىڭ نامىسىن قورعادى. وتكەن جىلى «قايرات» ساپىنا اۋىسىپ كەلگەن بولاتىن. الايدا, ءوز دەڭگەيىندە ويناي الماي, جانكۇيەرلەردىڭ كوڭىلىنەن شىقپادى.