قىزىلوردا وبلىسى اكىمى قىرىمبەك كوشەرباەۆتىڭ قاتىسۋىمەن «قىزىلوردا» جول بويى سەرۆيستىك كەشەنىنىڭ اشىلۋى ءوتتى.
جەكە كاسىپكەر «گەيداروۆتىڭ» «س» ساناتىنداعى «قىزىلوردا» جول بويى سەرۆيستىك كەشەنى «باتىس ەۋروپا – باتىس قىتاي» حالىقارالىق ءاۆتودالىزىنىڭ 1803-شاقىرىمىندا ورنالاسقان. جك «گەيداروۆ» ديرەكتورى مۋسليم مۇزاپاروۆتىڭ ايتۋىنشا, جوبانىڭ قۇنى 300 ملن. تەڭگەنى قۇرايدى. كەشەن كاسىپكەردىڭ جەكە قارجىسىنا سالىنعان. جوبا پايدالانۋعا بەرىلگەن جاعدايدا 25 جاڭا جۇمىس ورنى اشىلادى. جەر تەلىمىنىڭ جالپى اۋماعى – 2 گا, قۇرىلىس كولەمى – 1,8 مىڭ شارشى مەتردى قۇرايدى. كەشەندە 17 بولمەلى قوناق ءۇي, 85 ورىندىق ءدامحانا, اۆتوبولشەكتەر مەن ازىق-ت ۇلىك دۇكەنى, جەلىمدەۋ, كولىك جۋاتىن ورىن, دۋش جانە جۇك كولىكتەرى مەن جەڭىل اۆتوكولىكتەرگە ارنالعان تۇراق بولادى.
وبلىس اكىمى ءوڭىردىڭ الەۋمەتتىك-ەكونوميكالىق دامۋىنداعى جول بويى ينفراقۇرىلىمىنىڭ ماڭىزدىلىعىن اتاپ ءوتتى جانە كەشەن باسشىسىنا ساتتىلىك تىلەدى.