قازاقستاننىڭ ۇلتتىق بانكى 31 قاڭتاردا نومينالى 100 تەڭگەلىك, «رroوf» ساپالى كۇمىستەن قر ۇلتتىق وليمپيادا كوميتەتىنىڭ 25 جىلدىعىنا ارنالعان ەسكەرتكىش كۇمىس مونەتالاردى اينالىسقا شىعارادى, دەپ حابارلايدى بانكتىڭ ءباسپاسوز قىزمەتى.
مونەتانىڭ بەت جاعىندا (اۆەرسىندە) تومەنگى بولىگىندە ستاديوننىڭ ستيلدەندىرىلگەن بەينەسىنىڭ قورشاۋىندا قازاقستاننىڭ ەلتاڭباسى, مونەتا دايىندالعان مەتالدى, ونىڭ سىنامىن جانە سالماعىن بىلدىرەتىن «Ag 925 31,1 g» دەگەن جازۋ جانە سوعىلعان جىلىن بىلدىرەتىن «2017» دەگەن سان بەينەلەنگەن. سول جاق بولىگىندە مونەتانىڭ نومينالىن بىلدىرەتىن «100 تەڭگە» دەگەن جازۋ, جوعارعى بولىگىندە ۇلتتىق بانكتىڭ لوگوتيپى بەينەلەنگەن. اينالدىرا مەملەكەتتىك تىلدە «قازاقستان ۇلتتىق بانكى» دەگەن ويىڭقى جازۋى بار.
مونەتانىڭ سىرت جاعىندا (رەۆەرسىندە) قازاقستان رەسپۋبليكاسىنىڭ ۇلتتىق وليمپيادا كوميتەتىنىڭ ەمبلەماسى جانە «25 YEARS» جازۋى بەينەلەنگەن.
مونەتا 925 سىنامدى كۇمىستەن جاسالعان, ماسساسى - 31,1±0,31 گ, ديامەترى - 38,61 مم, تارالىمى – 1 مىڭ دانا.
نومينالدىق قۇنى 100 تەڭگەلىك ەسكەرتكىش مونەتالار رەسپۋبليكانىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا, سونداي-اق بانك شوتتارىنا ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى, ەلىمىزدىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
مونەتانىڭ ديزاينى قازاقستاننىڭ ۇلتتىق وليمپيادا كوميتەتىنىڭ جاڭا ينستيتۋتسيالىق ەمبلەماسىن پايدالانا وتىرىپ قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.
«مونەتالاردىڭ بۇكىل تارالىمىن قازاقستان رەسپۋبليكاسىنىڭ ۇلتتىق وليمپيادا كوميتەتى ساتىپ الادى», – دەلىنگەن حابارلامادا.