بۇرقاسىن سوعىپ, جولدىڭ ناشار كورىنۋىنە بايلانىستى اقتوبە جانە جامبىل وبلىستارىندا بارلىق اۆتوكولىك تۇرلەرىنىڭ قوزعالىسىنا شەكتەۋ جاريالاندى.
قر ءىىم تج كوميتەتىنىڭ سايتىندا جاريالانعان دەرەكتەرگە سۇيەنسەك, 30 قاڭتار كۇنى 17:50-دە اقتوبە وبلىسىنداعى رەسپۋبليكالىق ماڭىزى بار «قاندىاعاش-ەمبى-شالقار-ىرعىز» (92-257 كم ەمبى ق.- شالقار ق.) جولى بارلىق اۆتوكولىك تۇرلەرى ءۇشىن جابىلدى.
جامبىل وبلىسىندا 30 قاڭتار كۇنى 23:30-دا اۋا رايىنىڭ بۇزىلۋىنا بايلانىستى (بۇرقاسىن, كورۋ مۇمكىندىگىنىڭ شەكتەۋلىگى) وبلىستىق ماڭىزى بار «ب.مومىش ۇلى-قوشقار اتا» اۆتوجولىندا (10-65 شاقىرىم ارالىعى) كولىكتىڭ بارلىق تۇرلەرى ءۇشىن قوزعالىس توقتاتىلدى.